Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/25279
Í þessari ritgerð rannsaka ég mikilvægi þess að skoða femínisma í víðara samhengi en út frá einangruðum stað eins og Íslandi og athuga hlutverk ólíkra femínískra hópa víðsvegar í heiminum. Meginstraums femínismi gerir sjaldnast ráð fyrir öðrum stéttum en hvítu millistéttinni. Dýpri skilningur á forréttindum mismunandi hópa er því nauðsynlegur, sérstaklega í landi þar sem fjölbreytileiki er lítill og minnihlutahópar lítt sýnilegir. Áherslan er á Svarta femíníska hugsun, eftir skilgreiningu fræðikonunnar Patricia Hill Collins, og mikilvægi þess að líta utan fræðasamfélagsins í leit að heimildum og vitneskju um femínisma Svartra kvenna. Í ritgerðinni er fjallað um hvernig femínísk hugmyndafræði birtist í tónlist og textum kvenna í r&b og hip hop. Ég byrja á að fara stutt yfir sögu femínisma Svartra kvenna samhliða kvennahreyfingunni og baráttu Svartra fyrir borgaralegum réttindum á sjöunda og áttunda áratugnum, og hvernig kerfisbundin mismunun samtvinnast og mótar upplifanir Svartra kvenna. Þaðan er farið í að skoða hvernig femínísk hugmyndafræði virðist ætíð vera til staðar í afrísk-amerískri tónlist, allt frá afnámi þrælahaldsins og myndun blús-tónlistarstefnunnar til nútímans. Meginefni ritgerðarinnar er greining á lagatextum eftir Janet Jackson, Queen Latifah, TLC, Destiny's Child, Beyoncé Knowles og Nicki Minaj, hvernig þær krefjast réttlætis og virðingar ásamt því að miðla hugmyndum sínum til milljónir manna í gegnum tónlist og myndbönd. Í lok ritgerðarinnar skoða ég hver hefur skilgreiningarvald femínisma í hendi sér og hvernig femínistar í meirihlutahópum nota virðingarpólitík og rómstjórnun til að halda minnihlutahópum niðri.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Who You Calling a Bitch - Svört femínísk hugsun og vægi rnb og hip hop innan hennar.pdf | 688.45 kB | Opinn | Heildartexti | Skoða/Opna |