en English is Íslenska

Thesis (Bachelor's)

Reykjavík University > Samfélagssvið / School of Social Sciences > BSc Viðskiptadeild (og BSc sálfræði -2019) / Department of Business Administration >

Please use this identifier to cite or link to this item: http://hdl.handle.net/1946/25330

Title: 
  • Title is in Icelandic Allir á völlinn! : rannsókn á þáttum sem hafa áhrif á áhorfendur á heimaleikjum Breiðabliks
Degree: 
  • Bachelor's
Abstract: 
  • Abstract is in Icelandic

    Markmið rannsóknarinnar er að kanna hvaða þættir hafa áhrif á áhorfendafjölda á heimaleikjum karlaliðs Breiðabliks í knattspyrnu. Áhorfendur eru ómissandi hluti af íþróttaviðburðum en lítið hefur verið rannsakað hvað hefur mest áhrif á fólk til að mæta á íþróttaviðburði hér á landi. Knattspyrna á Íslandi hefur verið í mikilli sókn undanfarin ár og íþróttafélagið Breiðablik hefur að skipa eina stærstu knattspyrnudeild landsins. Tekin voru tvö djúpviðtöl, annars vegar við framkvæmdarstjóra félagsins og hins vegar við aðalþjálfara karlaliðsins í tilraun til að varpa ljósi á rekstur knattspyrnudeildarinnar og fá innsýn í umgjörð á heimaleikjum karlaliðs Breiðabliks. Rannsóknin inniheldur meðal annars nákvæma umfjöllun um markaðssetningu og þá sérstaklega hvernig henni er beitt í íþróttum. Að auki eru áhorfendur skoðaðir sem neytendur og þeim þáttum sem hvetja þá áfram, veita þeim ánægju og gera þá trygga, gerð skil.
    Margir þættir geta haft áhrif á mætingu áhorfenda á íþróttaviðburði, en áhrif veðurfars, fyrri árangurs íþróttaliða og tímasetningar ásamt öðrum þáttum skipa stóran sess í ákvörðunartöku þeirra. Framkvæmd var línuleg aðhvarfsgreining (e. Ordinary least square regression) í þeim tilgangi að ákvarða þá þætti sem útskýra hegðun áhorfenda á heimaleikjum Breiðabliks. Rannsóknin grundvallast af 83 heimaleikjum sem Breiðablik háði á árunum 2008-2015. Niðurstöður sýna að fyrra gengi Breiðabliks og beinar útsendingar frá heimaleikjum liðsins hafa marktæk áhrif á áhorfendafjölda. Að lokinni rannsókn eru niðurstöður hennar bornar saman við markaðsstarf félagsins í því augnamiði að auka virði fyrir áhorfendur á heimaleikjum liðsins.

Accepted: 
  • Jun 22, 2016
URI: 
  • http://hdl.handle.net/1946/25330


Files in This Item:
Filename Size VisibilityDescriptionFormat 
B.Sc. Ritgerð - Arnþór og Hörður.pdf1.14 MBOpenHeildartextiPDFView/Open