Hvati fullorðinna sjálfboðaliða í skátastarfi: af hverju erum við að þessu

Abstract

Skátahreyfingin á Íslandi, ein stærsta æskulýðshreyfing landsins, er rekin nánast eingöngu með sjálfboðastarfi. Fjöldinn allur af einstaklingum, á ólíkum aldrei og með ólíkan bakgrunn og reynslu sinna starfi fyrir hreyfinguna, launalaust, dag hvern og jafnvel árum saman. Í þessari rannsókn leitar höfundur svara við því afhverju þetta stafar, hvað er það sem fær fólk til að gefa tíma sinn í sjálfboðastarf og taka að sér ólíklegustu verkefni, sem oft á tíðum geta verið mjög krefjandi og tímafrek? Vorið 2016 var gerð könnun meðal fullorðinna sjálfboðaliða í skátastarfi og þátttakendur beðnir um að taka afstöðu til ýmissa hvataþátta. Í þessari grein verða raktar helstu niðurstöður þessarar könnunnar og athugað hvort hægt sé að finna í þeim vísbendingar sem gagnast gætu skátahreyfingunni. Hvort sem er við öflun nýrra sjálfboðaliða eða til að auka á ánægju og halda í þá sem fyrir eru.