is Íslenska en English

Lokaverkefni (Meistara)

Háskólinn í Reykjavík > Tæknisvið / School of Technology > Med/MSc Tækni- og verkfræðideild (-2019) / School of Science and Engineering >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/25624

Titill: 
  • Árangur með ánægju : nýjungar og framtíðarsýn í starfsmannastjórnun á Íslandi
Námsstig: 
  • Meistara
Útdráttur: 
  • Hin hefðbundna sýn á skrifstofu er rými þar sem hver hefur fast skrifborð, tölvu og síma, og viðvera er frá 9 til 5 alla virka daga og svona hefur hún verið um áratuga skeið. Undanfarin ár hafa samfélagsaðstæður og tækni þróast mikið, sem ætti að gefa tilefni til margvíslegra breytinga á starfsmannahaldi. Fyrirtæki virðast nú vera að taka við sér og nýjar stefnur í starfsmannahaldi eru að ryðja sér til rúms. Ýmis framsækin fyrirtæki á Íslandi hafa prófað sig áfram í því að ögra ríkjandi gildum með það að markmiði að auka ánægju starfsfólks og bæta árangur. Til þess að rannsaka þetta voru þrjú íslensk fyrirtæki tekin fyrir, sem öll eru talin skara framúr í starfsmannastjórnun. Rýnt var í stefnu þeirra auk þess sem skoðanir, væntingar og framtíðarsýn fulltrúa mannauðsmála þessara fyrirtækja voru ræddar. Niðurstöður lýsa því hvernig búið er að starfsfólki og segja frá nýjungum í starfsmannamálum, svo sem reglum til að gera fundi skilvirkari og aðferð til að tjá líðan sína opið í vinnunni. Ánægja skiptir máli og viðmælendur eru sammála um að starfsánægja leiði til aukins árangurs í starfi og jafnframt að árangur leiði af sér ánægðara starfsfólk. Meðal annarra breyta sem viðmælendur telja hafa áhrif á þetta samband eru stolt af vinnustað, sjálfræði í vinnunni, heilsa og vellíðan, starfsþróun, endurgjöf og sveigjanleiki í starfi. Í framtíðinni sjá viðmælendur í auknu mæli sveigjanlegt umhverfi sem kallar á verkefnadrifið skipulag, þar sem starfsmaður getur hagað vinnutíma og vinnustað sínum eftir aðstæðum og verkefni hverju sinni.

  • Útdráttur er á ensku

    The conventional idea of an office is of a space where each employee has a fixed desk, computer, and a phone and the hours of work are 9 to 5. In recent years we have seen considerable changes in social conditions and technology, but the work environment has been slow to change. New policies in human resources are now gaining ground, and more progressive companies have been challenging conventions with the aim of increasing staff satisfaction and improving productivity. To investigate this trend, three Icelandic companies with progressive HR policies were visited. Their policies were examined and their HR specialists interviewed about their views, expectations and visions for the future. The conclusion details how these companies nurture their staff and discusses novel HR measures, such as methods for focusing meetings and getting people to express themselves openly about how they feel. The interviewees agreed not only that job satisfaction matters but that it leads to increased productivity, which in turn leads to increased job satisfaction. Among the things that they believe contribute to this positive cycle are pride in one’s workplace, autonomy, health and well-being, development, feedback, and flexibility. They believe the future holds a more flexible, project-driven, work environment, where employees can adapt their working hours and work environment in accordance with the demands of each project.

Samþykkt: 
  • 4.8.2016
URI: 
  • http://hdl.handle.net/1946/25624


Skrár
Skráarnafn Stærð AðgangurLýsingSkráartegund 
Árangur með ánægju.pdf253.66 kBOpinnHeildartextiPDFSkoða/Opna