Nemendafélögin í Centris

Abstract

Hugmyndin með þessu verkefni er sú að sjá til þess að það sé stuðningur við nemendafélög í Centris, en þó gert á annan máta en nú er gert í MySchool. Þar er nemendafélögum smyglað inn í kerfið með því að þau eru ákveðin tegund af námskeiði, en í þessu verkefni er kerfið sérsmíðað með þarfir nemendafélaga í huga. Kerfið er haft lauslega tengt Centris, þannig að það getur staðið nokkuð eitt og sér, en nýtir sér þjónustur í Centris til að fá aðgang að gögnum, fá að vita um atburði sem verða í kerfinu eins og þegar nýir nemendur koma í skólann, og getur jafnframt látið Centris vita af uppákomum eins og vísindaferðum og þess háttar.