Orkutorg - Raforkumarkaður á netinu

Abstract

Verkefnið fólst í að útbúa lokaðan raforkumarkað á Netinu fyrir þá sem stunda viðskipti með raforku á Íslandi. Ástæða þess að hann verður að vera lokaður er að einungis löggiltir raforkusalar mega stunda viðskipti með raforku. Viðskipti í gegnum vefkerfið myndu koma í staðinn fyrir núverandi viðskipti sem fara fram símleiðis og heildsölusamninga. Þessi viðskipti eru til þess gerð að spara tíma og lágmarka kostnað sem fyrirtækin gætu orðið fyrir, þurfi þau að kaupa eða selja orku á jöfnunarorkuverði Landsnets. Þar er söluverð jafnan lágt og kaupverð hátt sem veldur tekjutapi eða umframkostnaði hjá fyrirtækjunum. Kerfið mun bjóða upp á mánaðaryfirlit yfir öll viðskipti fyrirtækisins. Öll kaup- og sölutilboð verða nafnlaus þar til kaup hafa gengið í gegn.