en English is Íslenska

Thesis (Bachelor's)

University of Iceland > Menntavísindasvið > B.A./B.Ed./B.S. verkefni - Menntavísindasvið >

Please use this identifier to cite or link to this item: http://hdl.handle.net/1946/25802

Title: 
  • Title is in Icelandic Nám og meðferðarstarfsemi í íslenskum fangelsum : Ísland í samanburði við Norðurlönd
Degree: 
  • Bachelor's
Abstract: 
  • Abstract is in Icelandic

    Ritgerð þessi er 14 eininga lokaverkefni til BA prófs í uppeldis- og menntunarfræði við Háskóla Íslands og fjallar hún um betrun í íslenskum fangelsum. Stefnumótun fangelsisyfirvalda kveður á um að afplánun skuli ávallt leiða til betrunar þar sem það er ekki einungis jákvætt fyrir einstaklinginn sjálfan heldur samfélagið í heild sinni. Margvíslegar rannsóknir hafa sýnt fram á að í þessu samhengi skipta nám og meðferðarstarfsemi hvað mestu máli og því mikilvægt að hvoru tveggja sé í stöðugri þróun.
    Markmið þessarar ritgerðar er að varpa ljósi á nám og meðferðarstarfsemi í íslenskum fangelsum sem lið í betunarstefnu fangelsisyfirvalda. Til þess að fá dýpri innsýn í stöðu mála voru tekin hálfstöðluð upplýsingaviðtöl við náms- og starfsráðgjafa, meðferðarfulltrúa og forstöðumann Litla-Hrauns auk þess sem samanburður er gerður á starfseminni hér miðað við það sem þekkist á hinum Norðurlöndunum. Fyrir átta árum síðan var meðferðargangur settur á laggirnar á Litla-Hrauni, upphaflega sem tilraunaverkefni þar sem mikil óvissa ríkti varðandi áframhaldandi fjárveitingu. Mikilvægt er að kanna hvernig starfsemin hefur þróast samhliða náminu í gegnum árin og því er skoðað stöðu mála nú auk þess sem fjallað er um fyrirætlanir um breytingar á komandi árum. Út frá ofangreindum markmiðum eru rannsóknarspurningarnar mótaðar og er tilgangur ritgerðarinnar að leita svara við þeim ásamt því að bæta einhverju við fyrirliggjandi þekkingu um viðfangsefnið.
    Niðurstöðurnar benda til þess að meðferðargangurinn á Litla-Hrauni hafi fyrir löngu sýnt fram á góðan árangur og mikil afköst og því er ekki hægt að kalla hann tilraunaverkefni lengur. Jafnvel þó almenn fangelsismál séu með svipuðu móti á öllum Norðurlöndunum þá eru Íslendingar langt á eftir nágrannaþjóðum sínum hvað nám og meðferðarstarfsemi varðar. Miklar breytingar standa yfir í fangelsiskerfinu sökum byggingar nýs fangelsis sem markar ákveðin tímamót í íslenskum fangelsismálum. Vonir eru bundnar við að samhliða því muni jákvæðar breytingar á bæði námi og meðferðarstarfsemi eiga sér stað svo hægt sé að efla og þróa starfsemina enn frekar.

Accepted: 
  • Aug 30, 2016
URI: 
  • http://hdl.handle.net/1946/25802


Files in This Item:
Filename Size VisibilityDescriptionFormat 
Lokaskjal - Ágústa Dúa.pdf865.11 kBOpenHeildartextiPDFView/Open
Útfyllt yfirlýsing - Ágústa Dúa.pdf468.99 kBLockedYfirlýsingPDF