Kennsluaðferðir fyrir nýbúa á unglingastigi

Abstract

Markmið mitt með þessari ritgerð er að kanna hvort einhver ein kennsluaðferð sé gagnlegri en önnur þeim nemendum sem nýfluttir eru til landsins og eru að hefja nám á unglingastigi. Í ritgerðinni er gert grein fyrir árangursríkum kennsluaðferðum sem henta nemendum á unglingastigi sem hafa íslensku sem annað mál. Framkvæmd var rannsókn í skóla á höfuðborgarsvæðinu þar sem rætt var við deildarstjóra nýbúadeildar. Gagnaöflun fór fram með eigindlegri aðferðarfræði og sýna helstu niðurstöður að skólinn beitir mismunandi kennsluaðferðum þegar kemur að kennslu í íslensku sem öðru máli. Ekki er lögð megináhersla á málfræði eða beygingarform heldur er lögð áhersla á að nemendur læri tungumálið eins og máltaka barna er. Skólinn er með ramma Aðalnámskrár að leiðarljósi og fylgir evrópskum stöðlum þegar kemur að nemendum með íslensku sem annað mál. Talkennari og aðrir kennarar sem starfa við nýbúadeildina gegna mikilvægu hlutverki og beita þar faglegum vinnubrögðum. Í niðurstöðum kemur fram að erfitt er að nefna einhverja eina kennsluaðferð sem er betri en önnur, en þær sem hafa skilað árangri eru þær kennsluaðferðir sem sem ýta undir að nýbúar noti móðurmál sitt ásamt því að nota nýja málið, íslenskuna.