en English is Íslenska

Thesis University of Iceland > Félagsvísindasvið > B.A./B.Ed./B.S. verkefni - Félagsvísindasvið >

Please use this identifier to cite or link to this item: http://hdl.handle.net/1946/2583

Title: 
  • Title is in Icelandic Hvernig upplifir almenningur almannatengsl?
Abstract: 
  • Abstract is in Icelandic

    Markmið þessa verkefnis er að fjalla um og skilgreina hugtakið almannatengsl. Hér
    eru aðferðir þeirra útskýrðar og tekið er á ýmsum málum er þau varða. Farið er að
    hluta yfir söguna, skoðaðir mögulegir ávinningar og ástæður þess af hverju fyrirtæki
    og stofnanir ættu að nýta sér almannatengsl. Hér eru bæði skoðaðar þær hliðar er
    mæla með og einnig þær sem mæla á móti notkunar almannatengsla.
    Í ritgerð þessari er fjallað um rannsókn sem höfundur framkvæmdi vorið 2009 á
    almenningi með notkun svokallaðs snjóboltaúrtaks. Helstu rannsóknarspurningarnar í
    þeirri rannsókn voru „Hvernig skilur almenningur hugtakið almannatengsl?“, „Hvern
    telur almenningur helsta ávinning almannatengsla vera?“ og „Hvernig er viðhorf
    almennings til almannatengsla?“.
    Í rannsókninni sem fram fór dagana áttunda til fjórtánda apríl árið 2009 var
    almenningur spurður út í skilning þeirra á almannatengslum og fengust alls 237 svör.
    Þátttakendur voru spurðir út í hvern þeir töldu vera helsta ávinning almannatengsla,
    hvað það væri sem þeir tengdu við þau og almennt út í viðhorf þeirra til
    almannatengsla. Þátttakendur voru einnig spurðir hversu sammála þeir voru hinum
    ýmsu fullyrðingum sem settar voru fram varðandi almannatengsl.
    Helstu niðurstöður rannsóknarinnar voru þær að almenningur tengdi almannatengsl
    mest við talsmenn fyrirtækja, markaðsstarf og annars konar samskiptaleiðir fyrirtækja
    sem tengja saman fyrirtæki og almenning. Almenningur taldi almannatengsl snúast
    um það að vera rödd fyrirtækis út á við og styrkja ímynd fyrirtækis. Almenningi
    fannst almannatengsl einnig eiga að sjá um fréttatilkynningar. Helsti ávinningur af því
    að nota almannatengsl var talinn vera, bætt ímynd fyrirtækis, faglega unnin
    kynningarstörf og það að fréttir kæmust til réttra aðila á réttum tíma.
    Í ljós kom eftir úrvinnslu gagna rannsóknarinnar að almenningur tengir, í nokkru
    mæli, blekkingar við almannatengsl. Stór hluti þátttakenda, eða heil 20%, voru
    sammála því að almannatengsl snerust um að blekkja almenning og hagræða
    sannleikanum. Almenningur hafði þó á heildina litið fremur jákvætt viðhorf til
    almannatengsla og taldi þann þátt markaðsstarfs vera mikilvægan hjá fyrirtækjum.

Accepted: 
  • May 12, 2009
URI: 
  • http://hdl.handle.net/1946/2583


Files in This Item:
Filename Size VisibilityDescriptionFormat 
almannatengsl_fixed.pdf759.69 kBOpenHeildartextiPDFView/Open