Raunfærnimat : nám alla ævi

Abstract

Verkefni þetta fjallar um raunfærnimat og nám alla ævi. Megin viðfangsefni verkefnisins er að skoða raunfærnimat, uppbyggingu og framkvæmd þess með það fyrir augum að komast að því hvort það sé hentugt fyrir stuttar námsbrautir. Skoðað er hvort raunfærnimat sé álitlegur kostur fyrir námsbraut til matsveins, en það nám er tveggja anna skólanám á matvælasviði Menntaskólans í Kópavogi og 24 vikna vinnustaðanám. Ritgerðin skiptist í fimm kafla. Í fyrsta kafla er rétturinn til að læra skoðaður út frá lögum og reglugerðum ásamt kröfum atvinnulífsins um sérhæft starfsfólk. Hæfniviðmið eru tekin fyrir í öðrum kafla en raunfærnimat gerir hæfni einstaklinga sýnilega. Þriðji kaflinn fjallar um brottfallsnemendur, en raunfærnimat byggist að hluta til á því að ná til fólks sem ekki hefur lokið formlegu námi en býr yfir hæfni í ákveðnu fagi eða starfi og vilja styrkja stöðu sína á vinnumarkaði. Raunfærni er skilgreind í fjórða kafla og í undirköflum er ferilinn og tilgangur raunfærnimats skoðaður. Fimmti kafli fjallar svo um raufærnimat matsveina og þrepaskiptu námi þeirra. Í undirkafla er unnið úr óformlegri könnun sem send var til raunfærnimatstaka í matreiðslu til þess að fá álit þeirra á gildi raunfærnimats.