Jákvæður skólabragur : leiðir til þess að stuðla að velferð og vellíðan í skólastarfi

Abstract

Hugtakið jákvæður skólabragur hefur á síðustu árum orðið áberandi í skólamenningu grunnskóla og er m.a. lögð áhersla á hugtakið í Aðalnámskrá grunnskóla (2011). Hér verður leitast við að útskýra hvað felst í hugtakinu og litið til þess hvaða hlutverki hann gegnir, hvaða þættir skólastarfs stuðla að honum og í hvaða þáttum starfsins mætti efla hann. Í fræðilegum hluta ritgerðarinnar eru hugtökin skólabragur, skólamenning og starfsandi skilgreind, en þessi hugtök eru gjarnan notuð á víxl í þessum efnum. Hlutverk kennara í tilstuðlan jákvæðs skólabrags verður skoðað og kynnt hvernig kennsluaðferðir samvinnunáms og nemendalýðræðis verka sem áhrifaríkir þættir í bættum skólabrag. Einnig verður litið til þess hvort skipulagt frístundastarf stuðli að sköpun jákvæðs skólabrags.