Hlutverkaleikur : leið til samþættingar og sköpunar

Abstract

Viðfangsefni þessa verkefnis er að leiða í ljós að hlutverkaleikur getur nýst sem heildræn kennsluaðferð og leið til samþættingar námsgreina. Horft er til nágrannalanda, einkum Danmörku, þar sem þessi aðferð hefur verið þróuð um aldarfjórðungsskeið og rannsökuð með fræðilegum hætti. Þá eru áherslur Aðalnámskrár grunnskóla skoðaðar með tilliti til þessa og viðurkenndar fræðikenningar um nám og kennslu. Allt ber að sama brunni. Aðferðin samræmist helstu grunnþáttum menntunar og getur skapað námsflæði og ýtt undir námsáhuga nemenda auk þess sem hún hentar vel sem samþættingarvettvangur námsgreina ef rétt er að verki staðið.Í sérstöku verkefnahefti eru svo tiltekin ákveðin dæmi um samþættingu þriggja námsgreina undir merkjum þess sögusviðs sem valið er fyrir hlutverkaleikinn.