is Íslenska en English

Lokaverkefni (Meistara) Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/26003

Titill: 
  • „Nú fór ég að heyra eitthvað jákvætt á hverjum degi“ : áhrif einstaklingsmiðaðra stuðningsáætlana í leikskóla og upplifun leikskólastarfsfólks og foreldra af vinnubrögðunum
  • Titill er á ensku „Now I started to hear something positive every day“ : effects of function-based individualized intervention plans in preschools and teachers‘ and parents‘ perception of the strategies
Námsstig: 
  • Meistara
Útdráttur: 
  • Erlendar rannsóknir hafa sýnt jákvæð áhrif af vinnu með einstaklingsmiðaðar stuðningsáætlanir byggðar á virknimati með börnum með langvarandi erfiða hegðun (Blair, Fox og Lentini, 2010; Wood, Ferro, Umbreit og Liaupsin, 2012). Vísbendingar eru um slíkt hið sama í íslenskum rannsóknum (Anna-Lind Pétursdóttir, 2010, 2011). Hér verður lýst áhrifum einstaklingsmiðaðra stuðningsáætlana á virka þátttöku fimm leikskólabarna sem áttu við langvarandi hegðunarerfiðleika. Stuðningsáætlanirnar voru byggðar á virknimati og fólu í sér aðferðir sem beindust að bakgrunnsáhrifavöldum, aðdraganda og afleiðingum hegðunar með áherslu á hvatningu og stuðning við jákvæða hegðun. Stór þáttur í þeim var hvatningarkerfi með stighækkandi viðmiðum um frammistöðu sem sett var upp með hliðsjón af áhugasviði leikskólabarnanna. Tvær til þrjár útgáfur hvatningarkerfa voru sett upp fyrir hvert barn og inngrip byggð á þeim varði í fjórar til tólf vikur. Þátttakendur voru fimm drengir á aldrinum þriggja til sex ára, í leikskólum á höfuðborgarsvæðinu, sem höfðu sögu um hegðunarvanda í eitt ár eða lengur. Tveir drengjanna voru með málþroskafrávik og annar þeirra með greiningu ADHD og grun um röskun á einhverfurófi. Til athugunar var einnig sjónarhorn leikskólastarfsmanna og foreldra varðandi upplifun þeirra af vinnu með virknimat og einstaklingsmiðaða stuðningsáætlun í leikskólaumhverfinu. Hálfopin viðtöl voru tekin við fjóra leikskólastarfsmenn og tvær mæður þeirra drengja sem tóku þátt í rannsókninni. Hlustað var eftir upplifun þeirra af gagnsemi vinnubragða og áhrifum stuðningsáætlana á hegðun þátttakenda. Auk þess svöruðu þessir sömu leikskólastarfsmenn spurningalista um upplifun sína af vinnu með einstaklingsmiðaða stuðningsáætlun. Endurteknar mælingar innan einliðasniðs með margföldum grunnskeiðum milli þátttakenda sýndu að virk þátttaka drengjanna jókst við íhlutun, að meðaltali úr 33,7% á grunnskeiði í 92,9% á inngripsskeiði og reyndist 94% eftir að notkun hvatningarkerfis var hætt. Upplifun leikskólastarfsmanna af vinnu með einstaklingsmiðaða stuðningsáætlun var almennt á þann veg að inngrip hefði jákvæð áhrif á hegðun barnanna, stuðningsáætlanirnar féllu vel að vinnu í leikskólunum, væru ekki of umfangsmikilar og foreldrar upplifðu breytt viðhorf starfsmanna í garð erfiðrar hegðun barnanna.

  • Útdráttur er á ensku

    Individualized behavior intervention plans (BIPs) based on functional behavioral assessment (FBA) have been shown to be effective in reducing long-lasting behavior problems of young children (Blair, Fox and Lentini, 2010; Wood, Ferro, Umbreit and Liaupsin, 2012). Numerous case studies in Iceland have also described positive results (Anna-Lind Pétursdóttir, 2010, 2011). This study evaluated the effects of BIPs on the participation of five children with long-lasting behavioral problems in preschool activities. The BIPs were based on FBAs and included modifications of setting events, antecedents and consequences of the challenging behavior with a focus on positive behavior support. Differential reinforcement of active participation was conducted through an individualized token system involving frequent praise for appropriate behaviors. Two to three versions of the token system were implemented with each participant to gradually increase independent participation over a four to twelve weeks intervention period. Participants were five boys, aged three to six years, in preschools in the capitol region in Iceland, who had shown behavior problems for one year or longer. Two of the boys had language disorders and one of them had ADHD and suspected autism disorder. Also, participants' teachers´ and parents´ perspective of the process of working with FBA and BIPs was assessed through interviews. Semi-structured interviews were conducted with four teachers and two mothers. In addition, the teachers answered a questionnaire about their perception of working with FBA and BIPs. Repeated measurements within a single-subject multiple-baseline design across participants, showed that active participation increased from 33.7% on average during baseline to 92.9% on average during intervention phases and remained 94% on average when the token system was discontinued. Teachers in general considered the BIPs to have positive effects on children's behavior and participation in preschool activities. According to the teachers, the strategies harmonized with the work in the preschool and were not considered too labour intensive. Parents noticed positive changes in their children´s behavior and well-being and experienced a positive change in the preschool staff's attitudes toward their children.

Samþykkt: 
  • 9.9.2016
URI: 
  • http://hdl.handle.net/1946/26003


Skrár
Skráarnafn Stærð AðgangurLýsingSkráartegund 
Nú_fór_ég_að_heyra_eitthvað_jákvætt.pdf1.27 MBOpinnHeildartextiPDFSkoða/Opna
2016_03_skemman_yfirlysing_lokaverkefni_29.03.16.pdf30.65 kBLokaðurYfirlýsingPDF