Ímyndaður veruleiki þjóðríkja: Mannfræðileg nálgun að þjóðernishyggju

Abstract

Á síðarihluta tuttugustu aldar fékk þjóðernishyggja aukna athygli á meðal félagsvísindamanna og tók mannfræðin upp þráðinn eftir að áherslur innan fræðagreinarinnar breyttust. Hugmyndir Benedict Anderson um ímyndaða þjóð hafa spilað stórt hlutverk í að yfirfæra þjóðernishyggju inn á áhugasvið mannfræðinnar. Í þessari ritgerð fjalla ég um þróun hugmynda til þjóðernishyggju innan mannfræðinnar, fjalla um rannsóknir mannfræðinga og skoða hvað mannfræðin getur lagt að mörkum í dag. Vegna sameiginlegs hugmyndafræðilegs uppruna við þjóðernishyggju er mannfræðin tilvalin til þess að rannsaka viðfangsefnið. Hún hefur í farteskinu þekkingu á hugtakinu menningu sem miðlægt er í bæði mannfræði og þjóðernishyggju, og getur skoðað viðfangsefnið út frá gagnrýnum augum. Að undanförnu hefur þjóðernishyggja farið vaxandi í Evrópu og hefur mannfræðin getuna til þess að skoða hvað er menning, eterni og þjóð.