Brexit (útganga Bretlands úr Evrópusambandinu). Hvaða mögulegu samningsleiðir eru Bretlandi færar í samskiptum sínum við Evrópusambandið í kjölfar Brexit?

Abstract

Þessi ritgerð fjallar um ákvörðun Bretlands að segja skilið við Evrópusambandið í nýafstaðinni þjóðaratkvæðagreiðslu, oft nefnd Brexit. Þá voru þeir vegir sem Bretland getur mögulega fetað í samskiptum sínum við Evrópusambandið skoðaðir og styrkir þeirra og veikleikar bornir saman við breskar þarfir. Til að varpa ljósi á þetta var farið yfir opinberar skýrslur og tölur ásamt því að leita til mannkynssögunnar að rótinni að óánægju Breta til að byrja með. Niðurstöður þessarar athugunar voru þær að hagsmunum Bretlands hefði líklega verið betur borgið innan raða Evrópusambandsins, sér í lagi í ljósi þess hve miklar undanþágur Bretland hefur hlotið í gegnum tíðina.