Fræðsla og þjálfun starfsmanna í íslenskum byggingariðnaði: ,,Þetta er beggja hagur"

Abstract

Í þessari rannsókn verður einblínt á fræðslumál hjá íslenskum byggingarfyrirtækjum en byggingariðnaðurinn hefur lítið verið rannsakaður hérlendis hvað fræðslumál varðar og er það kveikjan að þessu verkefni. Markmið rannsóknarinnar er að rannsaka viðhorf stjórnenda til fræðslumála og að fá vitneskju um fyrirkomulag fræðslumála hjá íslensku og erlendu starfsafli í íslenskum byggingariðnaði. Fengnir voru sex forsvarsmenn fyrirtækja í íslenskum byggingariðnaði og var eina krafa rannsakanda sú að viðmælendur væru starfandi í byggingariðnaði og sæju um mannauðs- og fræðslumál fyrirtækjanna. Rannsakandi vildi fá meiri breidd og önnur sjónarhorn á rannsóknarefnið og voru því einnig tekin þrjú auka viðtöl, eitt við formann stéttarfélags í byggingariðnaði, annað við sviðsstjóra fræðslufyrirtækis og að lokum við forstöðumann hjá samtökum í byggingariðnaði. Stuðst var við eigindlega aðferðafræði í rannsókninni. Eigindleg rannsóknaraðferð gefur rannsakanda ákveðna dýpt í málefni rannsóknarinnar en hefur aftur á móti ekki svokallað alhæfingargildi. Í þessari rannsókn var mestmegnis notast við opin viðtöl þar sem stuðst var við ákveðinn viðtalsramma. Einnig voru skoðuð fyrirliggjandi megindleg gögn sem aflað var af Maskínu fyrir Iðuna fræðslusetur í nóvember og desemeber 2015. Notast var við kenningar Paul Kearns um þroskastig fyrirtækja með Cranet-rannsóknir að leiðarljósi sem leiddu það í ljós á árabilinu 2009-2012 að viðhorf stjórnenda byggingarfyrirtækjum á Íslandi til fræðslumála starfsmanna í fyrirtækjum sínum færu upp á við og þroskastig fyrirtækjanna einnig. Niðurstöður þessarar rannsóknar leiddu í ljós að viðhorf stjórnenda til fræðslumála í þeim fyrirtækjum sem tóku þátt voru í flestum tilfellum jákvæð. Aftur á móti var það ákveðinn annmarki fyrirtækjanna hvernig staðið var að starfsþróunarmálum. Samkvæmt Mankin þurfa stjórnendur að fylgja kerfisbundnu ferli til þess að stuðla að starfsþróun starfsmanna. Ekki var unnið markvisst hjá fyrirtækjum rannsóknarinnar í umræddu ferli og telst rannsakanda því til að þroskastig þeirra sé lægra en Cranet-rannsóknir segja til um.

The research focuses on education in Icelandic construction companies. The issue has not been studied much in the country and is the main reason for why I decided to take it on. The objective of the research is to examine managers‘ views on education issues and learn about the arrangement of education for native and foreign employees in the Icelandic construction industry.Six representatives from Icelandic construction companies were interviewed, the only conditions were that they were currently occupied with human resources and education in the construction industry. The researcher wanted to get a broader, as well as different perspectives on the research topic and took three additional interviews; with a chairman of a trade union in the construction industry, a managing director in an education company and a manager in a construction industry association. A qualitative method was used for the research. Qualitative methods give the researcher more depth into the research subject, but on the other hand, does not allow for extensive generalizations. This research is mainly based on open interviews within a given frame. Available quantitative data, which was collected by Maskína for Iðan Educational Center in November and December of 2015, was also taken into consideration. Paul Kearns‘ theories on organizational maturity were used for the research, focusing on Cranet surveys which showed that between the years of 2009 and 2012, managers views on education in their companies became more positive and the maturity level of these companies as well. The results of this research showed that managers‘ views towards education was mostly positive. However, there were some shortcomings to how the companies organized their education and career development. According to Mankin, managers have to follow a systematic process to support development of their employees‘ careers. The companies which the managers in the research represented did not follow such a systematic process, thus the researcher considers the maturity levels of these companies to be lower than the maturity levels of the companies in the Cranet researches.