„Sápan dugir að eilífu.“ Ritgerð um sápuóperur

Abstract

Fyrri hluti þessa lokaverkefnis er rannsóknarritgerð um sápuóperur. Saga, útbreiðsla, viðtökur og ímyndir sápuópera verða skoðaðar með ítarlegri umfjöllun um þessa þætti. Forverar þeirra verða kynntir, formgerð þeirra og mismunandi tegundum eftir löndum lýst, auk þess sem skýrt verður frá þróun þeirra frá upphafi fjöldamenningar fram til dagsins í dag. Langlífi sápuópera í vinsældamenningunni verður rakið og reynt að útskýra ímynd þeirra og lágmenningarstöðu innan hennar. Síðari hlutinn er greinaröð um sápuóperur og aðdáendur þeirra.