en English is Íslenska

Thesis

University of Iceland > Þverfræðilegt nám > Umhverfis- og auðlindafræði >

Please use this identifier to cite or link to this item: http://hdl.handle.net/1946/26148

Title: 
  • Title is in Icelandic Ávinningur Grænna skrefa í ríkisrekstri í ljósi samfélagsábyrgðar
Abstract: 
  • Abstract is in Icelandic

    Um mjög langt skeið hefur maðurinn nýtt auðlindir jarðarinnar sér til framdráttar og mengað um leið vötn, sjó, andrúmsloft og ofnýtt auðlindir. Síðustu áratugi hefur þó umræða um umhverfis- og samfélagsmál aukist og nú er svo komið að flestir eru sammála um að við þurfum að minnka álag okkar á náttúruna.
    Samfélagsábyrgð er hugtak sem tengist sjálfbærri þróun og verður hlutverk ríkisstofnana skoðað í ljósi þess, ásamt því að skoða hvaða hvatar og ávinningur liggur að baki því að ríkisstofnanir og fyrirtæki vinni að umhverfismálum. Skoðuð verða nokkur verkefni sem ríkisstofnanir geta tekið þátt í til að draga úr umhverfisáhrifum sínum en Græn skref í ríkisrekstri er eitt af þeim verkefnum.
    Markmið rannsóknarinnar er að skoða hvort og þá hver ávinningur verkefnisins Græn skref í ríkisrekstri er hjá ríkisstofnunum. Rannsóknin var gerð samkvæmt megindlegri aðferðafræði, en gagna var aflað í formi spurningakönnunar sem send var til tengiliða hjá stofnunum sem eru þátttakendur í verkefninu. Niðurstöður voru skýrðar með lýsandi tölfræði og að síðustu bornar saman við fræðin um samfélagsábyrgð, ávinning og hvata.
    Rannsóknin er mikilvæg að því leyti að Græn skref í ríkisrekstri er fyrsta verkefni sinnar tegundar fyrir ríkisstofnanir á Íslandi og rannsóknin sem slík er því fyrsta rannsóknin sem gerð er á ávinningi verkefnis sem hvatt er til að allar ríkisstofnanir innleiði. Auk þess verður fjallað um hlutverk ríkisstofnana í fræðilega hluta ritgerðarinnar, en lítið hefur verið gert af því á Íslandi. Niðurstöðurnar verður hægt að nýta til ákvörðunar um framtíð verkefnisins og þær geta gefið vísbendingar um árangur annarra sambærilegra verkefna. Helstu niðurstöðurnar voru þær að þátttakendur telja ávinning vera af verkefninu í sér í lagi í formi bættrar ímyndar og fjárhagslegs ávinnings. Einnig mátti sjá vísbendingar um ávinning í formi þess að starfsmenn og yfirmenn eru áhugasamari um umhverfismál og vinna jafnvel áfram að þeim á heimilum sínum.
    Lykilorð: Samfélagsábyrgð, umhverfismál, ríkisstofnanir, Græn skref í ríkisrekstri.

Accepted: 
  • Sep 16, 2016
URI: 
  • http://hdl.handle.net/1946/26148


Files in This Item:
Filename Size VisibilityDescriptionFormat 
Yfirlysing_skemman.pdf48.7 kBLockedYfirlýsingPDF
MS ritgerð_Hólmfríður_1.pdf1.42 MBOpenHeildartextiPDFView/Open