en English is Íslenska

Book University of Iceland > Heilbrigðisvísindasvið > Doktorsritgerðir - Heilbrigðisvísindasvið >

Please use this identifier to cite or link to this item: http://hdl.handle.net/1946/2624

Title: 
  • is Chromosomal alterations and telomere dysfunction in breast tumours
Other Titles: 
  • is Litningaóstöðugleiki og gallar í litningaendum í brjóstaæxlum
Abstract: 
  • is

    Litningaóstöðugleiki er tíður í brjóstaæxlum sem er algengasta krabbamein meðal kvenna á Vesturlöndum. Helstu orsakavaldar eru meðal annars erfðafræðilegar breytingar sem verða við myndun brjóstakrabbameins og ýta undir litningaóstöðugleika, svo sem mögnun æxlisgena og gallar í litningaendum. Í þessu samhengi eru einstaklingar sem bera ættlæga stökkbreytingu í BRCA2 geni eða áunna stökkbreytingu í TP53 geni í brjóstaæxli einkar áhugaverðir því þekkt er að þessar stökkbreytingar stuðla að óstöðugleika erfðaefnisins. Við greiningu á litningabreytingum í brjóstaæxlum með litningaóstöðugleika reyndust litningavæði 8q og 20q oftast mögnuð. Meðal þekktra æxlisgena á þessum litningaörmum sem ýta undir litningaóstöðugleika eru MYC á 8q24 og AURKA á 20q13. Mögnun MYC æxlisgensins var metin í 27 brjóstaæxlum með FISH. Mögnun fannst í 59% æxlanna og tengdist hún marktækt TNM stigun I og II (p = 0,018), miklum litningaóstöðugleika (p = 0,033) og háum S-fasa (p = 0,020). Möguleg tengsl mögnunar AURKA æxlisgens og BRCA2 stökkbreytinga voru metin í 20 brjóstaæxlum frá BRCA2 arfberum og 41 brjóstaæxli haft til samanburðar. AURKA mögnun, sem var greind með flúrljómun litninga, reyndist vera til staðar í 70% BRCA2 stökkbreyttra brjóstaæxla sem var marktækt algengara en í öðrum brjóstaæxlum (p < 0,001). Mögnun á AURKA æxligeni greindist einnig í brjóstafrumulínum sem bera BRCA2 stökkbreytingu. Þar að auki reyndist AURKA mögnun tengjast marktækt áunninni stökkbreytingu í TP53 geni í æxlum sem ekki báru BRCA2 stökkbreytingu (p = 0,007). Þessar niðurstöður benda til þess að lyfjasprotar sem nú þegar eru í prófun gegn AURKA geti nýst brjóstakrabbameinssjúklingum með BRCA2 eða TP53 stökkbreytingu.
    Hugsanleg áhrif litningaenda á litningaóstöðugleika í BRCA2 stökkbreyttum brjóstaæxlum og frumulínum voru skoðuð. Endatengingar litninga reyndust mun algengari í BRCA2 stökkbreyttum brjóstaæxlum og frumulínum borið saman við brjóstaæxli án stökkbreytingar. Endatengingar reyndust vera bæði milli litningaendanna sjálfra og milli litningaenda og litningabrota í BRCA2 brjóstafrumulínunum. Litningaendar voru oft brotnir og millivíxl litningaenda á systurlitningsþráðum voru tíð í BRCA2 frumulínunum. Þessi einkenni eru dæmigerð fyrir frumur sem nota endurröðun milli litningaenda í stað telomerasa til uppbyggingar á litningaendum. Niðurstöðurnar benda til þess að BRCA2 hafi hlutverki að genga við varðveislu og viðhald litningaenda.

ISBN: 
  • 978-9979-9513-9-1
Accepted: 
  • Sep 1, 2008
URI: 
  • http://hdl.handle.net/1946/2624


Files in This Item:
Filename Size VisibilityDescriptionFormat 
ISBN_fixed.pdf6.89 MBOpenHeildartextiPDFView/Open