Samanburður á slátrunar- og vinnslukostnaði landbúnaðarafurða á Íslandi og nágrannalöndum

Abstract

Markmið verndartolla á landbúnaðarafurðir er að tryggja bændum og öðrum frumframleiðendum ásættanlega afkomu og verja þá fyrir sveiflum utan í frá. OECD reiknar árlega út svokallaðan neytendastuðning (customer support estimate) og miðar við verðlag afurða við heimreið að býli (farm gate). En áhrif verndartolla ná ekki aðeins til bænda og búaliðs. Verndartollar veita sláturhúsum og matvælavinnslum landbúnaðarafurða einnig skjól fyrir erlendri samkeppni. Almennt dregur vernd úr framleiðni og nýsköpun í viðkomandi greinum. Auk þess er mjólkurvinnsla undanþegin ákvæðum samkeppnislaga sem gefur möguleika á að haga verðlagningu afurðanna með allt öðrum hætti en líðst við samkeppni. Í þessu erindi reynum við að svara spurningum um þessi áhrif verndartollanna út fyrir það sem þeim er ætlað að verja.