Ferðaþjónustan á Íslandi: Orsakir vaxtar í ferðaþjónustu á Íslandi

Abstract

Undanfarin ár hefur vöxtur ferðaþjónustu á Íslandi verið mikill. Er ferðaþjónustan orðin mjög mikilvæg atvinnugrein fyrir hagkerfi landsins og þjóðhagsleg áhrif hennar eru orðin umtalsverð, svo sem í sköpun nýrra starfa og við gjaldeyrisöflun.Í þessari ritgerð var gerð frumþáttagreining á ferðamannastraumi í 90 löndum og athugað hvort hægt væri að sjá eitthvað munstur þar. Fyrsti frumþátturinn sem útskýrir 63% breytileika gagnasafnsins, sýnir hvort ferðamannastraumurinn sé að vaxa eða dragast saman. Ísland er borið saman við hin Norðurlöndin og þau lönd sem lent hafa í efnhagskreppu. Einnig er ferðamannastraumur í löndum sem lent hafa í hryðjuverkum skoðaður sérstaklega. Þjóðhagsleg áhrif vaxtar ferðaþjónustunnar eru skoðuð og hugsanlegar orsakir þessa mikla vaxtar sem raun ber vitni greindar. Mætti ætla að eldgosið í Eyjafjallajökli árið 2010 hafi reynst Íslandi góð landkynning út á við, þar sem vöxtur ferðaþjónustunnar jókst mikið ári síðar og gengisfall krónunnar gerði landið að hagstæðum áfangastað fyrir erlenda ferðamenn.