Þekkingartap við starfslok lykilstarfsmanna í þekkingarfyrirtækjum

Abstract

Hæfileiki skipulagsheilda til að afla sér þekkingar og nýta hana á skilvirkan hátt skilur á milli feigs og ófeigs í samkeppnisumhverfi. Þegar þær missa lykilstarfsmann hverfur með honum dýrmæt þekking sem hefur áhrif á starfsemi og afkomuskipulagsheildarinnar. Rannsóknir á þekkingartapi eru þrátt fyrir það akmarkaðar.Markmið rannsóknarinnar var að kanna þekkingartap hjá tveimur íslenskumþekkingarfyrirtækjum og skoða hvaða aðferðum þau beita til að lágmarka tapið.Áhersla var lögð á að skoða annars vegar áhrif þess að missa frá sér lykilstarfsmannmeð mikla þekkingu og hins vegar að skoða aðferðir sem stjórnendur beita til að halda mikilvægri þekkingu og koma í veg fyrir að hún tapist.Rannsóknaraðferðin var eigindleg raundæmisrannsókn. Tvö þekkingarfyrirtæki á sviði upplýsingatækni og endurskoðunar/ráðgjafar voru skoðuð. Niðurstöðurnar sýndu að áhrifin voru m.a. aukið álag á starfsmenn, lausnir verkefna gengu ver og voru tímafrekari, tengsl við viðskiptavini og birgja löskuðust, aukin hætta var á að fleiri létu af störfum og kostnaður jókst. Tækifæri til breytinga sköpuðust hins vegar. Til að halda í mikilvæga þekkingu lögðu fyrirtækin áherslu á annars vegar menningu sína sem þekkingarfyrirtækis og hins vegar þekkingarmiðlun með því að efla félagslegtengsl milli starfsmanna og þróa kerfi sem hvetja til aukinna samskipta þeirra.