is Íslenska en English

Lokaverkefni Háskóli Íslands > Hugvísindasvið > B.A. verkefni - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2654

Titill: 
  • HVER gerði HVAÐ fyrir HVERN: Umfjöllun um stöðu spurnarliða og spurnarfærslu í amerísku táknmáli (ASL)
Útdráttur: 
  • Rannsóknir á hv-spurningum í amerísku táknmáli (ASL) hafa vakið mikla athygli og
    verið allmikið rannsakaðar. Ástæðan fyrir því að rannsakendur hafa áhuga á því að
    skoða slíkar spurningar er sú að hægt er að spyrja slíkra spurninga á mjög ólíka vegu en
    fjölbreytileikinn felst í stöðu spurnarliðarins innan setningarinnar. Vegna þess hversu
    fjölbreyttar þær eru hafa ekki allir fræðimenn verið á eitt sammála um það hvernig beri
    að greina slíkar setningar út frá setningafræðilegu sjónarhorni.
    Í ASL hafa því komið fram tvær kenningar um það hvernig skuli greina slíkar
    setningar, annars vegar svokölluð vinstri kenning og hins vegar svokölluð hægri
    kenning. Skv. bæði vinstri og hægri kenningunni þurfa spurnarliðir í ASL ekki að
    færast, þ.e. þeir geta birst á staðnum sem þeir koma fyrir í djúpgerð, en þeir geta færst
    og lendingarstaður þeirra er þá ákvæðisliður tengiliðar (TL), eins og í raddmálum. Það
    sem aðgreinir kenningarinnar er hver staða þessa ákvæðisliðar er en skv. vinstri
    kenningunni er ákvæðisliður TL til vinstri, eins og í flestum raddmálum, sbr. íslensku
    og ensku, og skv. hægri kenningunni er hann til hægri. Kenningarnar virðast standa
    mjög föstum fótum hvor fyrir sig enda að mörgu leyti byggðar upp af mismunandi
    gögnum, þ.e. þeir málhafar sem fræðimenn hvorrar kenningar fyrir sig rættu við eru
    ekki sammála um hvað sé tækt og hvað ótækt. Það eru margar setningar sem hvor
    kenning hefur fyrir sig sem virðast benda til þess að um þessa kenningu sé að ræða en
    ekki hina, það er að segja t.d. eru skv. vinstri kenningunni sumar setningar algjörlega
    tækar sem virðast benda til þess að ákvæðisliðurinn verði að vera til vinstri og öfugt.
    Slíkar rannsóknir eru ekki til á íslensku táknmáli (ÍTM) og áður en hægt er að
    hefja slíkar rannsóknir er mjög gagnlegt að skoða það sem rannsakað hefur verið í
    öðrum táknmálum. Með því að skoða hvað þessar kenningar hafa fram að færa
    vöknuðu spurningar um hverju sé hentugast að leita eftir og hvað þurfi að skoða alveg
    sérstaklega þegar ráðist verður í slíkar rannsóknir á ÍTM.

Samþykkt: 
  • 15.5.2009
URI: 
  • http://hdl.handle.net/1946/2654


Skrár
Skráarnafn Stærð AðgangurLýsingSkráartegund 
elisa_fixed.pdf399.72 kBOpinnHeildartextiPDFSkoða/Opna