Áhrif skilnaðar foreldra á börn, andlega, líkamlega og félagslega

Abstract

Umfjöllunarefni ritgerðarinnar er um þau áhrif sem skilnaður foreldra gæti haft á börn, andlega, líkamlega og/eða félagslega. Einnig verður fjallað um námsframvindu og námserfiðleika og hvort skilnaður hafi áhrif á þá þætti. Stuðningur getur skipt miklu máli þegar börn verða fyrir áfalli og verður rætt um hvort stuðningur geti dregið úr mögulegum afleiðingum sem barn getur orðið fyrir við skilnað foreldra sinna. Fjölskyldutengdar rannsóknir hafa verið afar vinsælar hjá fræðimönnum í gegnum árin og hafa rannsóknir þeirra fært rök fyrir þeim neikvæðu áhrifum sem skilnaður getur valið börnum. Sálræn og félagsleg vandamál geta komið fram hjá börnum sem eiga fráskilda foreldra svo sem hegðunar- og námserfiðleikar. Breytingar á fjölskyldumynstri og heimilisaðstæðum eru meðal þeirra þátta sem geta haft neikvæð áhrif á vellíðan barna. Miklir erfiðleikar geta fylgt í kjölfar skilnaðar parasambanda, meðal annars getur það leitt til þess að fráskildir foreldrar geta upplifað fjárhagsáhyggjur vegna breytingar á heimilisaðstæðum og sú vanlíðan foreldra getur haft áhrif á börn. Mikilvægt er að foreldrar hafi í huga velferð barna sinna og hafi hagsmuni þeirra ávallt að leiðarljósi þegar áfall eins og skilnaður verður í fjölskyldunni. Mun það geta auðveldað börnum að aðlagast þeim breytingum sem á lífi þeirra verða og jafnvel geta dregið úr þeim afleiðingum sem skilnaður getur valið. Skilnaður er þó ekki alltaf böl, til eru mörg börn sem hafa upplifað skilnað og gengið í gegnum sorg og missir en samt sem áður dafnað vel í lífinu.Aðlögun að nýju lífi eftir skilnað getur haft sálræn og félagsleg áhrif á bæði foreldra og börn. Lykilatriði er þó að foreldrar standi saman í að veita börnunum sínum stöðugleika og öryggi til þess að koma í veg fyrir neikvæðar afleiðingar sem skilnaður kann að geta haft bæði á sálræna- og félagslega þætti barna. Foreldrar og börn geta hjálpast að við að koma í veg fyrir þau áhrif sem þær róttæku breytingar sem börn geta orðið fyrir við skilnað foreldra sinna með því að vinna saman og styðja hvert annað sem og að hlúa að vellíðan hvers annars.