Æskan og tómstundir

Abstract

Heimildaritgerð þessi fjallar um æskulýðs- og tómstundastarf barna og unglinga á Íslandi með sérstakri áherslu á starf félagsmiðstöðva. Fjallað er lítillega um sögu félagsmiðstöðva og hlutverk og markmið með starfi þeirra. Megináherslan er hins vegar lögð á aðferðir í starfi miðstöðvanna og sérstaklega litið til þess hvort nægilegur fjölbreytileiki sé í starfsaðferðum. Í tengslum við þá umfjöllun er litið til unglingalýðræðisins sem hefur einkennt starfið síðustu ár og hópastarfs sem er einn veigamesti starfsþáttur miðstöðvanna.Á eftir umfjöllun minni um félagsmiðstöðvar fjalla ég um fremur nýtilkomna kennsluaðferð hér á Íslandi sem kölluð hefur verið útinám. Hugtakið er útskýrt og fjallað um tilgang og markmið aðferðarinnar í starfi með börnum og unglingum. Skoðað er í hvaða starfi útinám hefur helst verið að festa sig í sessi hérlendis og hvort og hvernig megi innleiða aðferðina í starf félagsmiðstöðva á Íslandi.Niðurstaða mín er sú að útinám geti verið hentug leið til að efla starf élagsmiðstöðva ekki síður en hún hefur nýst til eflingar skólastarfs. Aðferðin á vel við hugmyndafræði hópastarfsins, þar sem aðferðirnar tvær eru sambærilegar þegar litið er til tilgangs og markmiða þeirra. Aðferðin gæti enn fremur aukið jölbreytileika í starfi félagsmiðstöðvanna en honum er nokkuð ábótavant víða. Sérstaklega gæti aðferðin eflt starf félagsmiðstöðva sem ekki hafa mikið fjármagn, þar sem hún er fremur kostnaðarlítil í framkvæmd en er um leið ákaflega gefandi.Heimilda er aflað með hefðbundnum hætti með bókum, vefsíðum og skýrslum rannsókna tengdum sviðinu.