Ystafell: Skipulag í óreiðunni. Heimildamynd um innra starf á Samgönguminjasafninu á Ystafelli.

Abstract

Heimildamyndin Ystafell: Skipulag í óreiðunni er samtímaleg mannlífsmynd um innra starf á Samgönguminjasafninu á Ystafelli, sem staðsett er í Kaldakinn í Þingeyjarsveit. Þar er fylgst með safnstjóranum Sverri Ingólfssyni sem notar rólega veturnar í að gera upp fornbíla og á sumrin tekur hann á móti ferðamönnum og allt iðar að lífi. Athygli vekur að Sverrir er lamaður fyrir neðan bringu en það truflar hann ekki í vinnunni. Myndin sem var tekin upp árið 2016 fer yfir árstímabil í starfi á safninu og er hugsuð til kynningar, fræðslu og skemmtunar. Greinagerð þessi fer yfir hugmyndafræði myndarinnar, vinnuferli og fræðilegar tengingar hennar. Greinagerðin og heimildamyndin eru lokaverkefni mitt til meistaragráðu í hagnýtri menningarmiðlun.