is Íslenska en English

Lokaverkefni (Bakkalár) Háskóli Íslands > Hugvísindasvið > B.A. verkefni - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/26649

Titill: 
  • Titill er á spænsku El Comercio Justo y los efectos para los pequeños productores de café nicaragüenses
Námsstig: 
  • Bakkalár
Útdráttur: 
  • Ritgerð þessi sem unnin er til fullnustu BA-prófs í spænsku frá Háskóla Íslands snýr að því að rannsaka hugmyndafræði og sögu sanngjarnra viðskiptahátta. Í upphafi ritgerðarinnar skilgreini ég hugtakið Sanngjörn viðskipti, sem á ensku kallast Fair Trade eða Comercio Justo á spænsku. Markmið ritgerðarinnar er að varpa ljósi á fyrirbærið Sanngjörn viðskipti og áhrif þess á kaffibaunabændur í Níkaragva. Í fyrsta hluta ritgerðinnar er sögulegt samhengi Sanngjarnra viðskipta útskýrt ásamt því að sýna fram á hvers vegna þeir sjálfbæru og réttlátu viðskiptahættir hafa átt auknum vinsældum að fagna á síðustu áratugum. Þar að auki eru sýn og hugmyndafræði Sanngjarnra viðskipta rakin, áhrif þeirra, markmið og áskoranir. Síðan er sjónum beint að Sanngjörnum viðskiptum í kaffiiðnaðinum þar sem litið verður sérstaklega til eftirspurnar á slíkum vörum. Fjallað verður um áhrif sanngirnisvottunar í kaffiiðnaðinum og um kaffikreppuna sem herjaði á framleiðslulönd kaffis á árunum 1999-2004 sem stöfuðu af offramleiðslu á vörunni. Megin viðfangsefni ritgerðinnar felst þannig í því að rannsaka hver ávinningur sanngirnisvottunar sé fyrir smábændur í kaffiiðnaðinum í þessu fátækasta landi Mið-Ameríku. Til að öðlast ítarlegri yfirsýn yfir viðfangsefnið er gerð grein fyrir nýlegum rannsóknum á sanngirnisvottuðum kaffibændum í Níkaragva. Þetta hjálpar okkur að staðreyna áhrif Sanngjarnra viðskipta í kaffiræktun með það að leiðarljósi að skilja betur hvort vottunin verði til þess að bæta lífsskilyrði smábændanna. Til samanburðar eru aðstæður kaffibænda sem selja uppskeru sína í hefðbundnum markaði skoðaðar, og sjónum beint að sömu landsvæðum í norðurhluta Níkaragva. Meginmarkmið ritgerðarinnar er ekki síst að rýna í aðstæður sanngirnisvottaðra kaffibænda með gagnrýnum augum. Í lok ritgerðar eru niðurstöður kynntar og höfundur leggur mat á samfélagslegan ávinning þessara viðskiptahátta þar sem stuðst er við niðurstöður ítarlegra rannsókna fræðimanna sem fjallað hafa um Sanngjörn viðskipti í Níkaragva.

Samþykkt: 
  • 20.1.2017
URI: 
  • http://hdl.handle.net/1946/26649


Skrár
Skráarnafn Stærð AðgangurLýsingSkráartegund 
El Comercio Justo - Hrefna Rut.pdf599.79 kBOpinnHeildartextiPDFSkoða/Opna
yfirlýsing.pdf27.47 kBLokaðurYfirlýsingPDF