Nýtingarmöguleikar á borholum sem varmaskiptar fyrir seiðaeldisstöðina Tungufell

Abstract

Markmið þessa lokaverkefnis var að kanna möguleika á að nýta borholur sem boraðar voru við jarðhitaleit í Breiðdal í kringum bæinn Tungufell sem varmaskipta. Þar er rekin seiðaeldisstöð fyrir laxa sem sleppt er í Breiðdalsá. Á svæðinu er nú þegar ein hola nýtt sem varma- skiptir með lokuðu hringrásarkerfi, þar sem vökvi er hitaður upp í borholunni og svo leiddur í gegnum varmadælu. Það kerfi hefur ekki náð að anna nauðsynlegri eftirspurn af 12°C heitu vatni sem talið er þurfa inn á eldiskerin. Gerð voru reiknilíkön í forritinu Matlab fyrir núverandi kerfi til greiningar en einnig fyrir opið kerfi með vatnshringrás til samanburðar. Niðurstöður þeirra útreikninga leiddu svo í ljós að þrátt fyrir að allar þær þrjár borholur sem teknar voru fyrir væru samnýttar að þá var mjög hæpið að það næðist að afla nauðsynlegu flæði af 12°C heitu vatni fyrir seiðaeldisstöðina.