Af hverju förum við upp í skóla?: Um tengsl agna og forsetningarliða

Abstract

Þessi ritgerð er lögð fram til BA-prófs í íslensku við Háskóla Íslands. Markmiðið með henni er að lýsa í hvaða samhengi orðin 'upp/uppi' og 'niður/niðri' eru notuð þegar þau vísa ekki í eiginlegar áttir. Hlutverk orðanna, hvort sem þau eru málfræði- eða merkingarleg, verða skoðuð og leitast verður við að svara því hvort einhver setningafræðilegur munur er á orðunum, annars vegar þegar þau vísa í umræddar áttir og hins vegar þegar þau gera það ekki.