Aukið öryggi barna í innkaupakerrum

Abstract

Foreldrahlutverkinu fylgir sú skylda að búa barni sínu öruggt umhverfi ásamt því að gæta heilsu þess, en einnig ber samfélagið ábyrgð á að ekki leynist hættur í umhverfi barna. Margir foreldrar og forráðamenn vanmeta hættuna sem fylgir því að setja barn í innkaupakerru en áætlað er að 100 börn slasist árlega á Íslandi við fall úr slíkri kerru. Markmið þessarar rannsóknar var að kanna hvort hægt væri að draga úr þeirri hegðun foreldra og forráðamanna að setja börn ofan í körfu innkaupakerrunnar sem ætluð er matvöru með inngripi í formi sjónrænnar áminningar. Þrír matsmenn mældu tíðni markhegðunar í þremur verslunum á höfuðborgarsvæðinu. A-B-A afturhvarfssnið og margfalt grunnskeiðssnið var notað til að meta áhrif inngripsins á hegðun foreldra/forráðamanna. Niðurstöður leiddu í ljós að inngrip dró úr hegðun foreldra að setja börn í innkaupakerrur og þar af leiðandi dró úr slysahættu.