Réttaráhrif sem fylgja skiptri búsetu barns

Abstract

Meginviðfangsefni þessarar ritgerðar er á sviði barnaréttar og fjallar um eins og nafnið gefur til kynna réttaráhrif skiptrar búsetu barna sem búa á tveimur heimilum. Tilgangurinn er að rannsaka þau réttaráhrif sem fylgja lögheimilisskráningu og ef heimilt væri samkvæmt lögum að barn gæti haft skipta búsetu.Árið 2006 var sameiginleg forsjá gerð að meginreglu í íslenskri barnalöggjöf og foreldrar þurfa að taka ákvörðun um hvar barnið hafi lögheimili Í kjölfarið hefur það aukist mikið að börn dvelji jafn mikið hjá báðum foreldrum. Við það hefur skapast mikill aðstöðumunur á milli lögheimilisforeldris og umgengnisforeldris. Opinber stuðningur eins og barnabætur og húsaleigubætur fara til lögheimilisforeldris og stuðningur og þjónusta á vegum sveitarfélaga. Út frá því er skoðað hvort foreldrar standi jafnir fyrir lögum.Meginniðurstaða ritgerðarinnar var sú að foreldrum sé mismunað út frá lögheimilisskráningu barnsins. Ef skipt búseta barns á tveimur heimilum yrði tekin upp í lögum þyrfti að fara í ýmsar breytingar á öðrum lögum til þess að minnka þann aðstöðumun sem foreldrar búa við. Þá er mikilvægt að gerðar verði breytingar á ákvæðum barnalaga um framfærslu í takt við þær samfélagslegu breytingar sem hafa orðið í þá átt að tekið verði mið af framfærslu barnsins og tekjum foreldra eða aflahæfis þeirra.