Framlag eldri borgara til samfélagsins : samanburður á niðurstöðum úr spurningakönnunum 2006 og 2016

Abstract

Spurningakannanir um framlag eldri borgara til samfélagsins voru lagðar fyrir úrtak eldri borgara árin 2006 og 2016. Bæði árin var úrtakið 1200 einstaklingar á aldrinum 67 – 85 ára og svöruðu 59% þeirra árið 2016 en 64% árið 2006. Gallup sá um framkvæmd beggja kannananna og var gagna aflað með því að hringja í þátttakendur.Meðalaldur þátttakenda árið 2016 var 74,4 ár en árið 2006 var hann 75,2 ár. Svipaður fjöldi karla og kvenna tók þátt í báðum könnununum.Aðspurðir um heilsufar sitt mátu ríflega 79% þátttakenda þaðmjög eða frekar gott miðað við aldurárið 2016 en 77% svöruðu þannig árið 2006.Hærra hlutfall karla en kvenna taldi heilsufar sitt frekar eða mjög gott í báðum könnunum.