is Íslenska en English

Lokaverkefni (Bakkalár)

Háskólinn í Reykjavík > Tæknisvið / School of Technology > BSc Tækni- og verkfræðideild (-2019) / School of Science and Engineering >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/26881

Titill: 
  • Meiðsli meðal íslenskra ballettdansara
Námsstig: 
  • Bakkalár
Útdráttur: 
  • Tilgangur: Rannsókn þessi var gerð til að kanna staðsetningu og tíðni meiðsla meðal íslenskra ballettdansara og bera saman niðurstöðurnar hérnlendis við erlendar rannsóknir. Til eru margar samantektarrannsóknir gerðar af nemum hér á landi bæði í sjúkraþjálfun og íþróttafræði sem gefa gott yfirlit yfir þau meiðsli sem erlendir dansarar glíma við. Það hefur þó ekki verið gerð rannsókn á íslenskum ballettdönsurum hvað varðar meiðsli.
    Efni og aðferðir: Rannsóknin var afturskyggn. Haft var samband við sjö ballettskóla hérlendis og þeim boðin þátttaka í rannsókninni. Rafrænn spurningalisti sem innihélt 25 spurningar hvað varðar meiðsli hjá þátttakendum var sendur á alla ballettdansara sem höfðu náð 18 ára aldri í þeim ballettskólum sem höfðu áhuga á þátttöku. Þátttakendur höfðu 11 daga til að svara spurningalistanum. Að rannsókn lokinni voru gögn tekin saman og túlkuð með tölfræðiforritunu IMB SPSS.
    Niðurstöður: Fimm ballettskólar tóku þátt í rannsókninni. Alls tóku 43 dansarar þátt á aldrinum 18 til 26 ára. Af þeim voru 41 kona og tveir karlar. Þátttakendur voru á aldrinum 18-26 ára og var meðalaldur 21,7 ár. Alls 26 (60,4%) einstaklingar voru með meiðsli vegna slysa, algengustu staðsetningarnar voru nári, mjóbak og ökkli. Það voru 27 (62,8%) einstaklingar sem höfðu orðið fyrir álagsmeiðslum, algengustu staðsetningarnar voru hné og mjóbak. Af 43 þátttakendum var 31 (72%) einstaklingur sem notaðist við einhverskonar stuðningsbúnað á æfingum til að fyrirbyggja meiðsli.
    Ályktanir: Meiðsli meðal íslenskra ballettdansara eru tiltölulega algeng, af ballettdönsurum sem tóku þátt í rannsókninni höfðu 60% þátttakenda orðið fyrir meiðslum vegna slysa og 63% orðið fyrir álagsmeiðslum. Algengustu staðsetningar meiðsla hjá dönsurum hérlendis voru í nára, mjóbaki, ökkla og hné. Meiðsli sem að íslenskir ballettdansarar glíma við virðast að mestu leyti vera á sömu stöðum og ballettdansarar glíma við erlendis. Hvað meiðslatíðni varðar er tíðnin lægri hér á landi.

Samþykkt: 
  • 15.2.2017
URI: 
  • http://hdl.handle.net/1946/26881


Skrár
Skráarnafn Stærð AðgangurLýsingSkráartegund 
Meiðsli meðal íslenskra ballettdansara.pdf267.31 kBOpinnHeildartextiPDFSkoða/Opna