Vitlestin

Abstract

Nemendur ferðast um heiminn í lest sem þarf enga teina, eina sem þarf er áhugi fyrir að kanna einhvern stað. Þess vegna fékk verkefnið nafnið "Vitlestin" Verkefnið reynir að nýta sér þær fjölmörgu leiðir sem eru til í gagnaöflun, nemandi skal geta aflað sér, metið og hagnýtt upplýsingar um mismunandi fleti mannlegs samfélags. Er þetta eitt af meginmarkmiðum verkefnisins því ólíkir nemendur hafa ólíkar þarfir við upplýsingaöflun. Markmið lestarinnar er að ferðast um heiminn og kynnast honum á óhefðbundinn hátt. Það er hægt að komast að ótrúlega miklu um staði með því einu að leita á réttu stöðunum, skoða myndasöfn á netinu og fleira. Google hefur til dæmis staðið í gríðarmikilli efnissöfnun á kortavefnum sínum - hægt er beinlínis að standa á götuhornum stórborga og skoða staðhætti. Hægt að heimsækja næstum öll krummaskuð í Bandaríkjunum og virða fyrir sér umhverfið með músarsmelli.