is Íslenska en English

Lokaverkefni (Meistara)

Háskóli Íslands > Hugvísindasvið > Meistaraprófsritgerðir - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2691

Titill: 
  • Málfræðilegt kyn í móðurmálskennslu
Námsstig: 
  • Meistara
Útdráttur: 
  • Margt bendir til þess að breytingar á notkun málfræðilegra kynja eigi sér stað nú til dags og má það meðal annars sjá á aukinni notkun sviga og skástrika í texta, þar sem bæði kynin eru tilgreind (t.d. velkomin(n), hann/hún). Í þessu samhengi er áhugavert að skoða fræðslu um kyn í skólum landsins og athuga hvernig fjallað er um kyn í kennslu. Hluti þessarar rannsóknar er skrifleg könnun sem lögð var fyrir íslenskukennara í efstu bekkjum grunnskólans og framhaldsskólum í maí og nóvember árið 2008. Markmið rannsóknarinnar var að skoða fræðslu um kyn í móðurmálskennslu í grunn- og framhaldsskólum landsins. Fjölmargar kennslubækur í íslensku voru einnig skoðaðar þar sem meðal annars var athugað hvernig fjallað er um kyn í kennslubókum og hvers konar verkefni nemendur vinna í kjölfarið. Fyrsti kafli þessarar rannsóknar er inngangur að umfjöllun um kyn og er efni rannsóknarinnar útskýrt í honum. Annar kafli fjallar um kynjkerfi íslensku og fleiri tungumála. Fjallað er um femíníska málstýringu og gagnrýni á hana. Í þriðja kafla eru kennslubækur í íslensku, sem fjalla um hugtakið kyn, skoðaðar. Athugað er meðal annars hvernig hugtakið kyn er kynnt fyrir nemendum og hvers konar verkefni þeir eiga að leysa sem tengjast kyni. Fjórði kaflinn fjallar um kannanirnar tvær sem íslenskukennarar í grunn- og framhaldsskólum landsins tóku þátt í, gerð er grein fyrir niðurstöðum þeirra og þær bornar saman. Í fimmta og síðasta kafla eru niðurstöður rannsóknarinnar í heild skoðaðar og tengdar við fræðilega umfjöllun ritgerðarinnar.

Styrktaraðili: 
  • Rannsóknarsjóður Háskóla Íslands
Samþykkt: 
  • 18.5.2009
URI: 
  • http://hdl.handle.net/1946/2691


Skrár
Skráarnafn Stærð AðgangurLýsingSkráartegund 
F0_BS_fixed[1].pdf676.79 kBOpinnHeildartextiPDFSkoða/Opna