is Íslenska en English

Lokaverkefni Háskóli Íslands > Heilbrigðisvísindasvið > Meistaraprófsritgerðir - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/27042

Titill: 
  • Samanburður á lyfjameðferð, út frá STOPP/START skilmerkjum, við upphaf vistar á hjúkrunarheimili og eftir sex mánuði
Skilað: 
  • Maí 2017
Útdráttur: 
  • Íbúar hjúkrunarheimila eru gjarnan hrumir og hafa marga sjúkdóma sem krefjast notkunar margra lyfja en það getur aukið líkur á mögulega óviðeigandi ávísunum. Þróuð hafa verið STOPP/START skilmerki til að gera grein fyrir slíku. STOPP greinir mögulega óviðeigandi lyf (PIM) og START mögulega vanmeðhöndlun (PPO). Markmið rannsóknarinnar var að meta lyfjameðferð íbúa tveggja hjúkrunarheimila í Reykjavík, með útgáfu tvö af STOPP/START skilmerkjum, við innlögn og eftir sex mánaða dvöl.
    Um er að ræða afturskyggna rannsókn þar sem þátttakendur voru íbúar sem lagðir voru inn á hjúkrunarheimili eftir 1. janúar 2013 og voru þar í a.m.k. sex mánuði. Meðal upplýsinga sem var safnað voru lyfjameðferð, sjúkdómsgreiningar, niðurstöður blóðrannsókna og upplýsingar um heilsufar íbúa úr RAI-mati.
    Á hjúkrunarheimili A voru 94,3% íbúa með eitt eða fleiri PIM á báðum tímapunktum en hlutfall PIM af heildarfjölda lyfja var 28,2% við innlögn og 27,3% eftir sex mánuði. Á hjúkrunarheimili B voru 90,9% íbúa með eitt eða fleiri PIM við innlögn en 96,4% eftir sex mánuði, og var hlutfall PIM af heildarfjölda lyfja 30,3% við innlögn og 36,8% eftir sex mánuði. Jákvæð fylgni var milli fjölda lyfja og fjölda PIM á hvorum tímapunkti beggja hjúkrunarheimila. Neikvæð fylgni reyndist milli vitrænnar skerðingar og fjölda PIM eftir sex mánaða dvöl á hjúkrunarheimili A og við innlögn á hjúkrunarheimili B. Á hjúkrunarheimili A voru 73,9% íbúa með eitt eða fleiri PPO við innlögn en 68,2% eftir sex mánuði. Á hjúkrunarheimili B voru 85,5% íbúa með eitt eða fleiri PPO við innlögn en 90,9% eftir sex mánuði.
    Niðurstöður gáfu því til kynna, út frá mati með STOPP/START skilmerkjum, að bæði PIM og PPO væru algeng við innlögn á hjúkrunarheimili og eftir sex mánaða dvöl. Kerfisbundnar lyfjayfirferðir við innlögn gætu því reynst æskilegar og væri þar mögulega hægt að nota STOPP/START skilmerkin til að lágmarka mögulega óviðeigandi lyfjaávísanir.

  • Útdráttur er á ensku

    Nursing home residents are often frail with multiple comorbidities requiring the use of many drugs, which increases the risk of potentially inappropriate prescribing. The STOPP/START criteria were developed to identify such errors, where STOPP detects potentially inappropriate medications (PIMs) and START potential prescribing omissions (PPOs). The objective of the study was to evaluate drug therapy in two nursing homes in Reykjavik, with the application of the STOPP/START (version 2) criteria, on admission and at six months.
    In this retrospective study, the participants were residents admitted after January 1, 2013 and remained in the nursing homes for at least six months. Data collected included information about drug therapy, diagnosis, selected blood laboratory values and the resident’s state of health according to the Resident Assessment Instrument.
    In nursing home A, the prevalence of residents with PIM were 94.3% both on admission and at six months, and the proportion of PIMs per total number of medications were 28.2% and 27.3%, respectively. In nursing home B, the prevalence of residents with PIM on admission and at six months were 90.9% and 96.4%, respectively, and the proportion of PIMs per total number of medications were 30.3% and 36.8%, respectively. The number of medications and PIMs were positively correlated at both time points in nursing homes A and B. Cognitive impairment was negatively correlated with the number of PIMs at six months in nursing home A and on admission in nursing home B. In nursing home A, the prevalence of residents with PPO on admission and at six months were 73.9% and 68.2%, respectively, and in nursing home B, 85.5% and 90.9%, respectively.
    According to STOPP/START both PIMs and PPOs were highly prevalent both on admission and at six months later. Therefore, systematic medication reviews on admission, possibly by using STOPP/START criteria, would be preferable to reduce this high prevalence of potentially inappropriate prescribing.

Samþykkt: 
  • 2.5.2017
URI: 
  • http://hdl.handle.net/1946/27042


Skrár
Skráarnafn Stærð AðgangurLýsingSkráartegund 
SigurdurHS-MSritgerd.pdf3.68 MBLokaður til...31.12.2020HeildartextiPDF
YfirlýsingSHS.pdf299.75 kBLokaðurYfirlýsingPDF