is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/27095

Titill: 
  • Barátta stórveldanna: Ágreiningur Bandaríkjanna og Evrópu innan Alþjóðaviðskiptastofnunarinnar
Námsstig: 
  • Meistara
Leiðbeinandi: 
Útdráttur: 
  • Markmið þessarar ritgerðar er að varpa ljósi á hvar ágreiningur Evrópu og Bandaríkjanna liggur helst í milliríkjaviðskiptum og á vettvangi Alþjóðaviðskiptastofnunarinnar (e. World Trade Organizations eða WTO). Auk þess verður skoðað samspil bæði Evrópu og Bandaríkjanna við WTO og þá hvaða áhrif stofnunin hefur á stórveldin. Vegna mismunandi lagaumhverfis og stöðu stórveldanna eru áhrifin um margt ólík.
    Í ljósi efnistaka þessarar ritgerðar mun umfjöllunin byrja á almennum atriðum um WTO og forsaga þess skoðuð enda höfðu Bandaríkin og ýmis ríki Evrópu töluverð áhrif á stofnun hennar. Órjúfanlegur hluti WTO, og jafnframt helsta ágreiningsefni Bandaríkjanna og Evrópu, eru þeir sáttmálar sem stofnunin vinnur eftir og vegur þá þyngst hið almenna samkomulagi um tolla og viðskipti frá 1947. Rakin verður þróun þess og hvernig það leiddi loks til stofnunar WTO árið 1995. Er því óhjákvæmilegt að gera ítarlega grein fyrir tilurð og efni þess, þ.e. helstu efnisreglum og undanþágum sem eru oftar en ekki grundvöllur ágreinings Bandaríkjanna og Evrópu. Svo heildarsýn fáist yfir víðfemt verksvið WTO fyrir verður einnig gert grein fyrir öðrum samningum sem gerðir hafa verið á grundvelli WTO enda starfar stofnunin ekki aðeins á sviði tollamála og vöruviðskipta heldur ná samningar á hennar vegum einnig yfir önnur umfangsmikil atriði, eins og þjónustuviðskipti og hugverkaréttindi. Ennfremur verður farið yfir hlutverk og stöðu WTO sem alþjóðastofnunar, valddreifingu og innra skipulag stofnunarinnar og áhrif aðildarríkjanna á starfsemina. Í því samhengi verður jafnframt skoðuð meðferð deilumála innan WTO, þ.e. málsmeðferðina og fullnustu úrskurða frá WTO innan aðildarríkjanna.
    Eftir almenna umfjöllun um WTO og samninga á vegum stofnunarinnar mun höfundur skoða sérstaklega Evrópu og Bandaríkin í samhengi við WTO. Mikilvægt er að skilja hvernig samspil Evrópu og Bandaríkjanna er við WTO þegar farið er yfir helstu deilumál þeirra og þau nánar útfærð. Þegar Evrópa og WTO eru skoðuð er óhjákvæmilegt að gera grein fyrir uppbyggingu og valddreifingunni innan ESB en jafnframt að bera sambandið saman við WTO enda margt líkt með þeim. Ennfremur verða áhrif reglna WTO á aðildarríki ESB og EFTA skoðuð. Verður þá staða Íslands og samspil þess við WTO sérstaklega skoðað í því samhengi. Í umfjöllun um Bandaríkin og WTO er nauðsynlegt er að gera því góð skil, áður en samspil WTO og Bandaríkjanna er skoðað nánar, hver sé staða þjóðaréttar innan Bandaríkjanna og þá sérstaklega staða samninga WTO. Verður þá að lokum gerð fyrir nokkrum stærstu og umfangsmestu deilumálum stórveldanna á vettvangi WTO.

Samþykkt: 
  • 4.5.2017
URI: 
  • http://hdl.handle.net/1946/27095


Skrár
Skráarnafn Stærð AðgangurLýsingSkráartegund 
lokaskil.pdf1.03 MBLokaður til...05.05.2137HeildartextiPDF
18280600_10156153975259358_1765384602_n.jpg25.49 kBLokaðurYfirlýsingJPG