Konur eru konum bestar: Sagnfræðileg samtímarannsókn á áhrifum félagasamtaka kvenna á stöðu íslenskra kvenna

Abstract

Rannsókn þessi skilar tvíþættri niðurstöðu. Annars vegar miðlar hún upplýsingum frá sagnfræðilegri samtímarannsókn á sjónarmiðum er varða réttindabaráttu íslenskra kvenna. Þær upplýsingar fengust með viðtölum við fagkonur sem starfa fyrir félagasamtök er vinna að mannúðarmálefnum í þágu kvenna. Hins vegar er rannsóknarvinnan nýtt til að skapa og setja fram aðferðafræðilega umgjörð sem hentar sagnfræðilegri samtímarannsókn af þessum toga, sem hér er nefnd núsaga.