Legg ég á og mæli ég um að þú verðir að sögu á hollensku. Þýðing á tíu þjóðsögum með greinargerð

Abstract

Þessi ritgerð er þýðingarritgerð og er hún í tveimur hlutum. Seinni hlutinn er þýðingar á hollensku á völdum þjóðsögum úr safni Jóns Árnasonar. Fyrri hluti ritgerðarinnar skerpir á samhengi og er greinargerð um þýðinguna.Í greinargerðinni er fyrst fjallað um þjóðsögur, sérstaklega atriði sem eru mikilvæg fyrir skilning á sögunum, áður en byrjað er að þýða. Þessi fyrsti kafli gegnir aðallega hlutverki textagreiningar á frumtextanum. Annar kaflinn í greinargerðinni fjallar sérstaklega um þýðingar á þjóðsögum. Hér eru mismunandi gerðir þjóðsagnaþýðinga skoðaðar og er sagt frá þýðingum þjóðsagna Jóns Árnasonar yfir á önnur tungumál, þar á meðal hollensku. Í þriðja kafla greinargerðarinnar er þýðingarstefna útskýrð og er fjallað um nokkur þýðingarvandamál sem þurfti að leysa.