Nýliðar í ferðaþjónustufyrirtækjum. Nýliðamóttaka og þjálfun í íslenskum ferðaþjónustufyrirtækjum

Abstract

Markmið þessarar rannsóknar var að kanna hvernig upplifun og viðhorf starfsmanna í íslenskum ferðaþjónustufyrirtækjum er af móttöku og þjálfun. Rannsókn þessi er byggð á eigindlegri aðferðafræði þar sem stuðst er við fyrirbærafræðilega nálgun. Skoðuð voru fjögur fyrirtæki innan íslenskrar ferðaþjónustu. Tekin voru sex viðtöl, þrjú viðtöl við starfsmenn í mannauðsdeildum eða starfsmannadeildum og þrjú viðtöl við starfsmenn í framlínu. Fræðilegur bakgrunnur var einkum sóttur til rannsókna í mannauðsstjórnun og fræðirita um móttöku og þjálfun starfsmanna. Sérstök áhersla var lögð á að skoða starfsánægju í fyrirtækjunum. Niðurstöður rannsóknarinnar benda til þess að að móttöka og þjálfun sé almennt í góðum farvegi innan ferðaþjónustufyrirtækja á Íslandi. Viðmælendur töldu að móttaka og þjálfun hefði áhrif á starfsánægju að undanskyldum einum viðmælanda. Fyrirtæki sem höfðu stækkað mikið á síðastliðnum árum höfðu bætt verulega móttöku og þálfun starfsmanna.