Ég hef marga ausuna sopið. Um óhefðbundna mynd orðatiltækja

Abstract

Þessi ritgerð er lögð fram til BA-prófs í almennum málvísinum á Hugvísindasviði við Háskóla Íslands vorið 2017. Í henni er farið ofan í kjölinn á því hvaða skilyrði þarf að uppfylla til að geta talið orðasamband til orðatiltækja. Einnig eru nokkur vel valin orðatiltæki flokkuð eftir gerð óhefðbundinna mynda þeirra. Gerð er grein fyrir hefðbundinni og óhefðbundinni mynd þessara tilteknu orðatiltækja og reynt að varpa ljósi á hvaðan óhefðbundna myndin er komin. Lagt var upp með að athuga hvort einkenni orðatiltækja hefðu áhrif á hversu auðvelt/erfitt málnotendum reynist að læra þau.Í seinni hluta ritgerðarinnar er farið yfir niðurstöður rannsóknar sem framkvæmd var í febrúar 2017 þar sem reynt var að fá innsýn í notkun á orðatiltækjum í daglegu tali. Könnuninni var dreift á internetinu og eftir nokkra daga í dreifingu fengust að lokum svör frá 140 þátttakendum.Niðurstöður könnunarinnar voru þær að svo virðist sem einkenni orðatiltækja hafi ekki áhrif á það hversu erfitt/auðvelt málnotendum reynist að læra orðatiltækin. Þó bendir ýmislegt til þess að orðatiltæki sem innihalda forsetningu sem er breytileg eftir hefðbundinni/óhefðbundinni mynd sé auðveldast að læra.