is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/27405

Titill: 
  • „Hann fékk bók en hún fékk nál og tvinna...": Hlutgerving og staðalímyndir kynjanna.
Námsstig: 
  • Bakkalár
Útdráttur: 
  • Fjallað er um skilgreiningar á kynjunum, hvaðan þær koma og hvort þær séu óbreytanlegar. Rætt er um hlutgervingu kynjanna, staðalímyndir og áhrif fjölmiðla á mótun þeirra. Hugtökin kvenleiki og karlmennska eru tekin til athugunar og sömuleiðis mikilvægi líkamans í skilgreiningum á kynjunum, hvernig má nota hann sem tæki til að tjá á félagslega stöðu kynjanna og réttlæta valdaskipulag samfélagsins. Í því samhengi er fjallað um karteríska tvíhyggju sem stillir kynjunum upp sem andstæðupari og um eðlishyggju sem gerir ráð fyrir óumbreytanlegu eðli kynjanna byggðu á líffræðilegum eiginleikum þeirra. Kenningum Pierre Bourdieu um veruhátt og hvernig vald speglast í líkamanum er beitt á efnið og einnig kenningum Michel Foucault um vald, hvernig beita má líkamanum sem félagslegu stýritæki og hvernig orðræðan myndar valdagerð samfélagsins. Sérstaklega er fjallað um vald orðræðunnar til að móta kynbundinn veruleika. Komist er að þeirri niðurstöðu að skilgreiningar á kynjunum séu ekki óumbreytanlegar heldur félagslega og menningarlega mótaðar og því háðar sífelldri endursköpun í takt við félagslegar breytingar og menningarlega strauma á hverjum tíma. Einnig er sýnt fram á hvernig gagnvirkni einkennir félagslega og menningarlega mótun kynjanna og hvaða hlutverk tvíhyggjan leikur í því ferli. Styrkur eðlishyggjunnar í fastmótuðum skilgreiningum á kynjunum og sem réttlætingu á ójöfnuði kynjanna í valdagerð samfélagsins kemur ennfremur í ljós. Jafnframt er bent á að með atbeina má breyta ríkjandi skilgreiningum á kynjunum og kynbundinni valdagerð samfélagsins.

Samþykkt: 
  • 10.5.2017
URI: 
  • http://hdl.handle.net/1946/27405


Skrár
Skráarnafn Stærð AðgangurLýsingSkráartegund 
Scan0006 skemma sff.pdf247.57 kBLokaðurYfirlýsingPDF
BA%20ritgerð%20-%20loka%20eintak%20með%20'ekki'SFF.pdf441.55 kBOpinnHeildartextiPDFSkoða/Opna