is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/27519

Titill: 
  • Frjálst aðgengi að íslenskri náttúru: Stendur Ísland berskjaldað gagnvart harmleik almenninganna?
Námsstig: 
  • Bakkalár
Leiðbeinandi: 
Útdráttur: 
  • Fjöldi erlendra ferðamanna á Íslandi hefur aukist gríðarlega á seinustu árum. Ferðaþjónusta er í dag orðinn stærsti einstaki liður útflutningstekna Íslendinga og er í auknum mæli orðinn að undirstöðu atvinnuvegi á Íslandi. Hraði þróunarinnar hefur þó verið slíkur að stofnanir samfélagsins hafa ekki náð að bregðast við. Enn gildir ókeypis aðgengi um allmarga ferðamannastaði í náttúrunni á Íslandi. Ferðamennska á Íslandi grundvallast þó á óspilltri náttúrufegurð téðra staða og Íslands almennt. Það er því eðlilegt að spyrja hvort að mikil aukning seinustu ára sé farin að hafa áhrif á náttúru landsins og skemma upplifun ferðamanna.
    Í þessari ritgerð er verðlagning ferðamannastaða í náttúrunni skoðuð útfrá fræðilegu sjónarhorni. Skoðuð er verðregla fyrir samfélagslega hagkvæmt verð annars vegar og verðregla fyrir hámörkun hagnaðar hins vegar. Sú greining leiddi í ljós að ákjósanlegt (e. optimal) aðgangsverð ferðamannastaða, hvort sem um er að ræða í samhengi samfélagslegrar hagkvæmni eða hámörkun hagnaðar, er líklega hærra en núll. Í framhaldi af þessari greiningu er þróun seinustu ára í ferðaþjónustu á Íslandi sett í samhengi við þróun hagkerfis landsins og er vaxandi mikilvægi greinarinnar undirstrikað. Þolmörk ferðamannastaða eru skilgreind og leitast er eftir vísbendingum um það hvort að náttúruperlur Íslands geti verið að nálgast (eða komnar að) þolmörkum, sérstaklega með tilliti til upplifunar ferðamanna sem heimsækja staðina. Í ljós koma vísbendingar um að áhrifa aukins ágangs er farið að gæta í upplifun ferðamanna og að aðgangsstýring er líklega æskileg. Bent er á gjaldtöku sem mögulega ákjósanlegt form aðgangsstýringar í þeim tilfellum þar sem að einkaeign er óæskileg. Að lokum eru ýmis framkvæmdaratriði rædd sem koma að gjaldtöku á ferðamannastöðum í náttúrunni.

Samþykkt: 
  • 12.5.2017
URI: 
  • http://hdl.handle.net/1946/27519


Skrár
Skráarnafn Stærð AðgangurLýsingSkráartegund 
Friðrik Þór Gunnarsson lokaskil BS ritgerð.pdf1.22 MBLokaður til...13.05.2022HeildartextiPDF
Lokaverkefni yfirlýsing um meðferð Friðrik Þór Gunnarsson.pdf389.29 kBLokaðurPDF