Skilvirkni markaða. Er markaðurinn skilvirkur?

Abstract

Í verkefni þessu er sjónum beint að skilvirkni íslenska hlutabréfamarkaðarins með hliðsjón af upplýsingagjöf fyrirtækja. Sérstaklega er skoðað viðbrögð markaðarins við afkomuviðvörun Icelandair í byrjun árs 2017. Leitast verður við því að varpa ljósi á það hvaða nýju upplýsingar það voru sem orsökuðu mikil viðbrögð frá markaðinum,hvort í raun var verið að bregðast við nýjum upplýsingum sem voru ekki aðgengilegar áður og hvaða ályktun megi draga af þessu tilviki varðandi skilvirkni hins íslenska hlutabréfamarkaðar. Reikningsskil Icelandair verða skoðuð í þessu ljósi og lagt verður mat á þær upplýsingar sem þar fyrir liggja, hvort þær hafi verið greinargóðar og til þess gerðar að markaðurinn gæti lagt mat á getu félagsins að skapa framtíðarhagnað. Viðbrögð frá markaðsaðilum eftir afkomuviðvörun Icelandair verða greind í þessu sambandi. Horft verður til niðurstöðu þessarar greiningar út frá umfjöllun um kenningu skilvirkni markaða, kenningu um atferlisfjármál sem og viðmiða um heildstæða upplýsingagjöf (e. The integrated reporting framework ), sem eru ný alþjóðleg viðmið sem ýmiss framsækin fyrirtæki nýta til þess að bæta upplýsingagjöf sína til markaðar.