„Þá fyrst skilur þú hvað bók er“: Rannsókn á efnismenningu bóka

Abstract

Bókin sem efnislegur hlutur er viðfangsefni þessarar ritgerðar. Áhersla er lögð á þau áhrif sem efniskennd bóka getur haft á okkur. Út frá þeim vangaveltum leitast ég við að svara hvaða þýðingu bókin hefur í nútímasamfélagi umfram þann texta sem hún hefur að geyma. Ritgerðin byggir á fjórum viðtölum við einstaklinga sem eiga það sameiginlegt að hafa áhuga á bókum og eru virkir lesendur. Ásamt viðtölunum hef ég fylgst með og skoðað umræðu á ólíkum miðlum sem ég hef rekist á meðfram rannsókn minni. Einnig hef ég borið gögnin saman við eldri sögulegar heimildir til þess að átta mig betur á merkingu bókarinnar innan okkar samfélags. Það getur verið gott að bera saman tilgang hlutanna á ólíkum tímum og átta sig þannig á því að skilningurinn getur verið margvíslegur. Niðurstöðu rannsóknar minnar kynni ég síðan í lokakafla. Þar skilgreini ég hvernig efnisheimur bóka getur haft áhrif á líðan okkar, minningar og hegðun á meðvitaðan og ómeðvitaðan hátt.