Ást á Íslandi árin 1834-35: Arthur Dillon og Sire Ottesen: Veruháttur, menningarmörk og menningarauður

Abstract

Umfjöllunarefni þessarar ritgerðar er ást tveggja einstaklinga sem að ólust upp við ólíkar aðstæður á 19. öldinni. Samfélögin sem að þau bjuggu í voru misþróuð og í raun má segja að ástarævintýrið sé nokkurskonar öskubuskuævintýri. Greining menningarmarka, menningarauðs og veruháttar skipa stóran sess í ritgerðinni og þannig munu þessi hugtök fléttast inn í ástarsöguna sem átti sér stað á Íslandi á árunum 1834-1835. Í ritgerðinni er líf tveggja einstaklinga borið saman og aðstæður þeirra og bakgrunnur greindur. Stétt þeirra og staða í samfélaginu var ólík, en hann var kominn af hefðarættum og hún var vinnukona. Það er oft sagt að menningin móti einstaklinginn og samfélagið sem hann kemur úr, því er áhugavert að skoða hvernig líf ólíkra mannekja sem voru ástfangnar þróaðist á 19. öldinni. Kvenfrelsi var lítið á 19. öldinni, en þrátt fyrir það fór kvenpersóna sögunnar ekki alltaf eftir settum reglum samfélagsins. Niðurstöður ritgerðarinnar eru þær að samskipti milli ólíkra einstaklinga á 19. öld voru afar snúin, en kröfur samfélagsins voru aðrar en þær eru í dag. Veruháttur og menningarauður einstaklinga mótast út frá samfélagslegri stöðu og menningunni sem er í samfélaginu. Vegna þess hve veruháttur þeirra og menningarauður voru ólíkir urðu samskipti þessara tveggja persóna mjög snúin.