en English is Íslenska

Thesis Agricultural University of Iceland > Auðlinda- og umhverfisdeild > B.S. verkefni >

Please use this identifier to cite or link to this item: http://hdl.handle.net/1946/27998

Title: 
  • Title is in Icelandic Gallar í júgur- og spenagerð hjá íslenska kúastofninum
Submitted: 
  • May 2017
Abstract: 
  • Abstract is in Icelandic

    Góð júgur- og spenabygging skiptir miklu máli þar sem verið er að rækta kýr til mjólkurframleiðslu. Ákveðnir gallar í júgur- og spenabyggingu geta haft neikvæð áhrif á júgurheilbrigði auk þess sem ýmsir þættir í júgur- og spenagerð geta skipt miklu máli fyrir mjaltir. Hérlendis eru gefnar einkunnir á línulegum skala fyrir júgur- og spenaeiginleika auk þess sem hægt er að merkja við ákveðna galla. Markmið þessa verkefnis er að skoða eiginleika tengda júgur- og spenagerð hjá íslenska kúakyninu og breytingar í stofninum á síðustu árum. Einnig að skoða tíðni athugasemda fyrir júgur- og spenagerð og breytileika milli nauta, auk þess sem gallinn flátta verður skoðaður sérstaklega.
    Upplýsingar voru fengnar úr skýrsluhaldi nautgriparæktarinnar en úttektir voru teknar út úr skýrsluhaldsforritinu Huppu. Tekin voru gögn út úr kúaskoðunum 2008-2015, gögn um sláturkýr 2008-2015 auk gagna um ákveðna afkvæmahópa.
    Niðurstöður sýndu fram á að dreifing einkunna fyrir júgur- og spenagerð hefur breyst á síðustu árum en mismikið eftir eiginleikum. Einnig sýndu þær fram á breytileika milli nauta með tilliti til athugasemda dætra fyrir júgur- og spenagerð og breytileika milli nauta og með tilliti til þess hversu háu hlutfalli dætra var slátrað vegna júgur- og/eða spenagalla. Ekki fannst ákveðið ættarmunstur í ættum þeirra kúa sem hafa verið tilkynntar og greindar með fláttu á síðustu árum og Birtingur 05043 og Umbi 98036, sem báðir eiga staðfestar dætur með fláttu, virðast ekki hafa gefið dætur með hærra hlutfall ákveðinna athugasemda sem talið var að tengdust fláttu, né ættingjar þeirra.
    Gagnlegt er að fylgjast áfram með kúadómum og stofninum til að sjá hvort ástæða sé til þess að breyta áherslum í kynbótastarfinu. Þörf er á frekari rannsóknum á fláttu til að skilja betur hvernig hún erfist þar sem ekki er hægt að útiloka neina gerð af erfðum eftir þetta verkefni.

Accepted: 
  • Jun 8, 2017
URI: 
  • http://hdl.handle.net/1946/27998


Files in This Item:
Filename Size VisibilityDescriptionFormat 
BS Ritgerð Karen Björg Gestsdóttir.pdf719.12 kBOpenPDFView/Open