Leiðin

Abstract

Til að bæta aðstöðu og fræðslu fyrir ferðamenn um þetta fagra en síbreytilega náttúrufyrirbæri er gerð tillaga um leið að Jökulsárlóni. Leiðin er í gegnum þjónustumiðstöð á vesturbakka Jökulsár, þar sem gesturinn hverfur inn í landið og fræðist um sögu þess og náttúru áður en hann fær borið sjálft Lónið augum. Þannig öðlast gesturinn virðingu fyrir hinu viðkvæma umhverfi áður en mannvirkið sleppir honum lausum í náttúruna. Miðstöðin er dökk að innan og gesturinn eltir ljósið í enda byggingarinnar. Á leiðinni eru útskot frá ganginum sem þrengist, en opnast svo skyndilega fyrir horn. Gesturinn stendur þá andspænis Jökulsárlóni með óskerta sýn til Breiðamerkurjökuls.