is Íslenska en English

Lokaverkefni (Bakkalár) Háskóli Íslands > Heilbrigðisvísindasvið > B.S. verkefni - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2806

Titill: 
  • Fræðileg úttekt á símaráðgjöf hjúkrunarfræðinga
Námsstig: 
  • Bakkalár
Útdráttur: 
  • Til hagræðingar í heilbrigðiskerfinu hefur símaráðgjöf hjúkrunarfræðinga vaxið og þróast
    síðustu tvo áratugi víðsvegar um heiminn. Til að skoða þetta hlutverk hjúkrunarfræðinga var
    framkvæmd fræðileg samantekt á símaráðgjöf þeirra, sem var unnin með því markmiði að: 1)
    kanna símaráðgjöf hjúkrunarfræðinga og aðferðir sem þeir notuðu við ráðgjöfina; 2) skoða
    útkomu skjólstæðinga þeirra með tilliti til ánægju, meðferðarheldni og öryggis; og 3) skoða
    hvaða áhrif símaráðgjöf hefur á heilbrigðiskerfið í ljósi hagræðingar.
    Niðurstöður samantektarinnar sýndu að starf hjúkrunarfræðinga sem starfa við símaráðgjöf
    er ólíkt hinni hefðbundnu hjúkrun og er þá samskiptatækni mikilvægust í árangursríkri
    ráðgjöf. Verkferlar eru vinsælir, en staðla ekki endilega ráðgjöfina þar sem hjúkrunarfræðingarnir
    nýta einnig sína faglegu dómgreind við ráðgjöf. Almennt var ánægja skjólstæðinganna
    mikil og meðferðarheldni oftast góð en breytileg eftir ráðgjöf. Rannsóknir sýna ekki afgerandi
    niðurstöður um öryggi símaráðgjafar. Símaráðgjöf eykur hins vegar skilvirka notkun á heilbrigðisþjónustu
    og kostnaðarútreikningar benda til sparnaðar.
    Upplýsingamiðstöð hjúkrunarfræðinga var starfrækt hér á landi til skamms tíma innan
    Heilsugæslunnar, en nú er engin símaráðgjafarmiðstöð hjúkrunarfræðinga til staðar. Nauðsynlegt
    er að rannsaka möguleika símaráðgjafar hér á landi þar sem hún gæti aukið skilvirka notkun á
    heilbrigðiskerfinu.

Samþykkt: 
  • 26.5.2009
URI: 
  • http://hdl.handle.net/1946/2806


Skrár
Skráarnafn Stærð AðgangurLýsingSkráartegund 
simaradgjof_snidmat1_loka_fixed.pdf242.03 kBOpinnHeildartextiPDFSkoða/Opna