Please use this identifier to cite or link to this item: http://hdl.handle.net/1946/2807
Tilgangur þessarar ritgerðar var að skoða hvaða áhrif klám hefur á unglinga og hvernig fjallað er um klám í námsefni kynfræðslunnar fyrir þennan aldurshóp í grunnskólum á Íslandi.
Rannsóknir sýna að unglingar horfa á klám í miklum mæli og leita í klámefni til að fræðast um kynlíf. Internetið á stóran þátt í aðgengi unglinga að klámi. Klám sýnir ekki tilfinningar eða nánd í kynferðislegu sambandi. Komið hefur í ljós að áhorf kláms í miklum mæli getur haft neikvæðar afleiðingar á kynhegðun unglinga. Þeir byrja fyrr að stunda kynlíf, eru ólíklegri að nota getnaðarvarnir við kynmök og líklegri til að eiga marga rekkjunauta.
Lítið er fjallað um klám í kynfræðslu á Íslandi og erfitt er að finna fræðsluefni frá öðrum löndum. Nauðsynlegt er að veita unglingum fræðslu um klám innan kynfræðslu í skólum. Einnig að fræða þá um þær heimasíður sem veita góða kynfræðslu og kenna þeim að þekkja viðurkenndar síður.
Filename | Size | Visibility | Description | Format | |
---|---|---|---|---|---|
Fraedslutharfir unglinga um klam_fixed.pdf | 305.81 kB | Open | Heildartexti | View/Open |